أسيرَ عيناكيِ

بارت31

قال ادهم نابلسي: خَايِـف أكــَون بِلأخِر  ضَيِعت سنِينيِ🖤

"""""""""""""""""""""&""""""""""""""""""
دخلت للمركز واني ادور بعيوني عليهم حزام ظهري وينهم
سألت الولد عليهم كالوا كاعدين بمكتب مهيب

رحت دكيت الباب اجاني صوت مهي عالي وخشن
مهيب.تفضل؟
فتحت الباب ومديت راسي بابتسامه واسعه
هو ابتسم وودفع الكرسي ووكف

طلع من ورا الميز ورواد كام وكف ومبينه الفرحه ع وجهة
مهيمن.ها كواو...... كاعدين هنا؟
مهيب.هلا بحزام الظهر هلا بيك يخوي الثاني
رواد..ولك هلا مهيمنو وعلي مشتاكلك بكد رحمه الله

حضني رواد حيل كسر ضلوعي بادلته الحضن
ونوب حضنت مهيب صح حضنته من طلعت
بس هيج اريد احضنه كلشوي كلشوي ...

كعدنه ثلاثتنه ع التخم الموجود بالمكتب
رواد كاعد بالكاع كدامنه واني ومهيب ع التخم

مهيمن.هسه اريدداصفي الحسابات البسيطه الي وياكم
رواد.لا تعتب مهيمن مو حمل عتاب اني ولك
مهيب.مهيمن خيرك يا حسابات؟

مهيمن.مهيب يا مَلجأَ آتيه متعباً وأغادرهُ مُعافى ...
وانت يا رواد يا صاحباً تَخلل شِريانُ الفؤادُ وسَكنهُ
انتم يا اصدقائي يا ألذين إذا ضاقت بي أو اشتدت
سَلكني الطريقُ إلى أبوابكم ودلنّي......

رواد.حبيبي مهيمن اخونه والله يشهد عليه ماحسب صاحب احسبك اخوي كاعد كدامي ووياي وكت الشده وكاعد وياي ع المره قبل الحلوه...

مهيب.اذا وياك ماوكفنه وماسولنه چا ويامن نوكف وندافع چ غير انت مهيمن صويحبنه الي احنه نشد بي عازات
والي يصاحبله صاحب مثلك خل يشكر الله ويحمده

طبطب ع جتافي واني دمعت عيوني بمحرد اشوفهم وياي هيج
الله رزقني باخوه ٨ وذوله الاثنين فوكاهم ١٠ وعلي
ماعز اخوتي كدما اعزهم ...

""""""""""""""""""""&""""""""""""""""""""""
لارا..وين خاالي؟
علي.امشي وياي ومالج شغل
لارا.تأذيني؟
علي.امشي لارا لتفقديني اخر ذره صبر ..

كمت بسرعه ورا واني ماعرف وين ماخذني بهاي حالتي
لابسه تراك وبسرعه لبست حذاء رياضي وين مادري؟

صعدت السياره ومبين خالي. ضايج مني ..
شغل السياره ومحد جان موجود
هو حتى خالي مجان موجود بس رجع ...

سلكنه طريق طويل وطول الطريق محد حجه
وونوكف كلشوي يم سيطرات طلعنه الصبح
وهسه صار الظهر...

انتبهت لل لافتات احنه بديالي !...
لان عدهم هنا بستان جبير احياناً يجون هنا

طبك مثل توقعي يم بستان جبير حيل موشلون مجان
نزلنه سوه جان بنص البساتين بيت صغير.....

نزل ويمشي كدامي بهيبته واني ورا وخايفه من مصيري
مو خوف قوي لان مامنه خالي ميسوي شي

بس الي يدور ببالي ليش جابني هنا خالي؟
دخلنه للبيت وهو فتح الباب انصدمت...