أسيرَ عيناكيِ

بارت 47

اكثر من يخاف الفراق ، و أول من يقول وداعاً

"""""""""""""""""""""""&""""""""""""""""""""
..احچي لارا احچي لا تسكتين كدامي احچيلي شلون وشوكت صار هل شي وليش ماحچيتي قبل؟.

لارا.چنت ناسيه هاي السالفه وهسه مثل شوفه عينك ؟. صارت فجأة!.
علي..فهميني تردين تستمرين ويا لو؟.
لارا.مادري خالو!.
علي.شنو المادري هي كلمه وحده لو اي لو لا ؟.
لارا.ماعرف شنو الي اريده بالضبط..!

عثمان.اني اكلك خالي هي تريده بس مستحيه تحچيهة كدامگ!.
رفعت راسي لعثمان وخالي خزره هو دار وجهة
علي.انت اسكت خليني افهم منهة
لارا.خلص خالي انت ادرسهة وشوف بعد القرار وراك !.
علي.متأكده؟.
لارا.اكيد.

ترخصت وطلعت من الغرفه واني حيل ضايجه من عثمان
صعدت لغرفتي ركعت الباب ودخلت كعدت ...

ابد مو وكتك مصطفى
هسه اني عايشه حرب نفسيه
عقلي يگول شكل
وگلبي يگول شكل

شنو الحل ؟. -شنو القرار ؟.
مادري!.
ماوصلت لحل ولا گدرت اعرف مشاعري شنو بالضبط؟.
شنو هل تناقض الصعب الي بمشاعري؟.

بليل ورا العشى خالي طلب مني اروح لغرفته ورا!.
كلت اكيد لگه حل لهاي السالفه واني ورا بكُلشي...

دخلت طبطب ع المكان الي يمه رحت كعدت منصيه راسي
علي.رفعي راسچ بويه اريد راسچ دوم مرفوع !.
لارا.خالي لگيت حل لو اتصرف اني؟.
علي.انتي متهوره واذا بقت السالفه يمچ اكيد تخربيهة فوك خرابتهة .
لارا.لعد شنو اللحل؟.

علي..تناقشنه اني وعثمان بيناتنه بخصوص هذا الموضوع؟.
لارا.ليش عثمان بكُلشي مدخله يعني سالفه تخصني عثمان شنو؟.
علي.خليني اكمل كلامي!.
لارا.اوك اسفه!.
علي.القرار الي اتخذنا اني وعثمان احتمال مايعچبچ بس اذا ماعجبچ انتي دبري حل لان اني اشوف هذا الحل الانسب...'

لارا.وهو؟.
علي.تتطلگين وعثمان يتزوجج!.
لارا.شنووو مستحيل!.
علي..عچل كليلي شنو الحل ؟.
لارا.عادي ارجع لمصطفى !.مو فد شي صعب
علي.حچي يفيدچ مترجعيله لو ع چثتي انتي متعرفين الي يرحون اسيرين شيصير بيهم وشنو وشلون يرجعون بابا الي يرجع لو نص عقل لو مخبل مستحيل واحد يرجع زين وصاحي

لارا.بس اني حچيت ويا مامبين عليه شي ولا مبين عليه مريض لو شي!.
علي.اي طبعاً هذا الشي يبين من تعاشرين يا بنتي افهميني ؟.
لارا.اي عادي تره اتطلگ وخلص اگعد هنا مابيهة شي؟.
علي.بس عثمان رايدچ اصلاً قبل لا يجي مصطفى عثمان طلبچ مني ف يعني لتفكرين مجرد علمود الحل يريد يتزوجچ؟.

لارا..اي واني مرايدته؟.
علي..ليش اريد سبب مقنع ويقنعني ليش انتي لهل درجه تكرهين عثمان؟.
لارا.هيج من الله سبحان الله فتحت عيني ع الدنيا الله جاي الكره كله خلا بگلبي تجاه هذا الولد..!

ابتسم وباوعلي ومصغر عيوونه
علي.مشاعر الكره لو شي ثاني؟.
تخربطت احوالي وصرت اتهرب بعيوني لا ارادياً..
لارا.شنو قصدك؟.
علي.همممم خلص فهمتچ
لارا.خالو لازم شوي ننضف تفكيرك بقاصر وزاهي اني رح احاچي ملوكه تبلش من اليوم تغسل دماغگ'
علي.انچبي ويلا ولي اطلعي وصيحيلي ملوكه بدربچ
لارا.مااا اذا تريد انت كوم صيحهة..