أسيرَ عيناكيِ

بارت 36

انَا لا أُرمم الـ مَهجُور
لَو كانَ بِه خَير لّمَا انهَدم ... ♥️

""""""""""""""""""""""""""""
...يقول الكاتب شكسبير :
اذا تجاهلك شخص فأعلم انك الاهم لديه..
في حين قال افلاطون بان:
اذا تجاهلك شخص فهذا يعني انه يطلب
منك المغادره من حياته..

مهيب.ذكرتني بالي ببالي هم يتفلسف مثلك بس انت تروحله فدوه.
مهيمن.رحم الله والديك
رواد.ههههههه لا صدك بس شنو الزبده من كلامك!.
مهيمن..مادري بس ادور تبرير لنفسي.

قصي.مهيمن شصار ع تقديمك للخارجي؟
مهيمن.صدك ذكرتني..مهيب محتاج مساعدتك اريد اقدم ع الدراسه للخارجي
مهيب.من شوكت تفكر بالدراسه؟

حجه هيج ونزل كلاص الجاي ع الطاوله
مهيمن.مادري حسيت اجاني شغف ونشاط للدراسه بما انو ماعندي شغل .
مهيب.ان شاء الله اقدملك ..علمي ؟ادبي؟
مهيم.اني مكمل العلمي!.
مهيب.خوش ان شاء الله

سحبت نفس من النركيله وصارت عيني تتجول
ع الكاعدين وافكر بهذا وبهذا واكول هذا هم عنده
هم وغم وكاعد ؟

الولد يسولفون واني اصفن واضرب اخماس واسداس
سحبت نفس من النركيله ورفعت راسي زفرت النفس

مهيب.يلا يولد صارتلي شغله اني طالع
اشرتله بحاجبي بمعنى الله وياك
هو طبطب ع اجتافي وطلع من الكوفي

قصي.يولد ضايج اني
رواد.هسه اطلعلك خالتنه ساجده واكوم اهزلك خصر
قصي.يلا واني اكيتلك
رواد.لا يا ساق.....
مهيمن.زين نسوي سهره ببيتك قصي؟

قصي.علوا تردون عني وحشه البيت
رواد.اي ماعندي شي هسه اتصل ع امي وترزلني ابلعهة المهم اجي
قصي.ههههههه والله عليك سوالف يا رواد.
مهيمن.هههه هو هذا الي مونسنه

في حين لقاءك سيدتي أخشـاك جبان
أبقي جسمانا مصلوبا يبـــدو إنسـان
ابقي كشراب مسكوب في لا فــنجان
ابقي كالتائه في الدنيا ويقود حصان

"""""""""""""""""""""""""""""
.. يا ذات العين البنية عيناك حقولا للزيتـون
أو شيكولاتة قد ذابت وتجلت فيك بشكل عيون
دليني يا ضعفي ماذا كلمات السر إليك تكـون
أعطيني مفتاح الكنز وخريطة حبك عبر الكـون

عثمان.همممم يابه حمدنه شو صاير شاعر..

ابتسم ونزل راسه بيده الخشبه يلعب بالنار الي كدامه
رد رفع راسه وباوعلي بنظره ضاحكه

محمد.مو اليوم ولا البارحه ...صار هواي
عثمان.خيرك واكع جنك ومحمد مسمي عليك؟
محمد.ههه لا يابه بس احب اشعر هيج اشعار
عثمان.عيون بنيه وقهوى وكذا؟
محمد.ههههههههخ يابه اني ماباقي هنا ماريدلي وحده اعلقهة بيه ونوبه اطفر

عثمان.ليش وين خيرك وين تولي؟
محمد.اني يوميه بدوله تدري مؤتمرات وكذا
عثمان.اي عيني مؤتمرات وكذا.....
محمد.شخبارك انت!
عثمان.والله ع الله بهاي الدنيا .