بديرتنا ألعشگ چذاب لتسمعين أغانيهم 💕
""""""""""""""""""&"""""""""""""""""
استغفرت ربي واني ابتعد من عنده سحبني من ايدي
انجريت حيل نلطخ ظهري بصدره وانفاسه تضرب جتفي
حجيت وشفايفي ترجف من الارتباك وهل منظر هذا
حور.شبيك تخبلت ابتعد هسه يجي واحد يشوفنه واحنه بهل منظر
مهيمن.اي تخبلت تخبلت بيج حور شوكت تحسين بيه
حور.شبيك انت وخر اعرفك تعرفني وهيج متقرب مني
دفعتني حيل وابتعدت...
مهيمن.صدكي وثقي بالله يا حور مايوم نبض هل گلب ال اي وحده كانت من تكون بس الج من اول مره شفتج حبيتج ماعرف لتساليني شوكت وشلون بس كل الاعرفه احبج اني حور كل هل فتره احاول اصارحج بس جنت خايف تصديني وصار الخايف منه !....
حور.بس اني اصلاً مامختلطه بيك ومابيناتنه اي حديث؟
مهيمن.ماعرف حور ولا يكون ببالج حبيت جمالج احلى واجمل منج اجني للمركز وماصديتلهن اصلاً بس انتي مدري شسويتي بحالي وغيرتيني هيج بعد ماجنت رافض الحب ومعتزل انتي اجيتي واخذتيني اسير عيونج!
حور.مهيمن عيب واصلاً حرام هل حجي ورجاءاً بعد لتحجي هل حجي اني لا احبك ولا اعرفك اصلاً وماريد تحجي وياي بهل طريقه مره ثاني واذا سويتهة ف الي تصرف اخر وياك!
مهيمن.اني صح رح ابتعد عنج بس مو خوفاً من كلامج وانما احتراماً لمشاعرج تجاهي الي خاليه من ذره حب
ولكن ثقي بالله يا حوريه ان ماصرتي حلالي اني ماعليه هل شارب
واذا البدله البيضه مالبستيهة الي رح تلبسين الجفن الابيض
وصح رح ابتعد عنج بس عيوني وگلبي محاوطاتج..'
حور.مهيمن شايف الشعره هاي الشعره متهزه مني ف لتحجي هيج
وابعد عن طريقي رجاءاً '
مهيمن.اذا جان ببالج علمود الحاله الماديه ف الحمدلله ناس متمكنين وشايفين وعايفين ورزقنه ع كدنه ف لتشوفين نفسج اعلى من عدنه
حور.بعمري مافكرت انزل هل مستوى واقيس الانسان من حالته الماديه اني انسانه دارسه ومثقفه ومستحيل انزل لهل مستوى الدنيئ مثل ماتفكر انت
بس محرد ماعندي مشاعر داخلي تجاهك لتحور الكلام ع كيفك؟
مهيمن.هينه يبت صباح هينه والله لجيب راسج واكسرلج خشمج لرافعته
واكسرلج غرورج المخبل الوادم
وهذا راسج اليابس اله افلشه الج مو اكسره
حور.والله عاد ماتايهتلك
تقدمت خطوه منهة هي ركضت بكعبه ضحكت عليهة
واني اشوفهة تركض وهتسوهة تكول ماخايفه
رجعت شعري لورا بس ماتخرطت احوالي
يعني بعد شسوي صارحتهة ومارتاحت النار الموجره بداخلي
لو كاعد وساكت وضام حبهة بكلبي
ولا سامع هل كلام منهة...
طلعت من الجامعه صعدت السسياره وشخطتهة
رجعت للبيت عود نزلت من الدوام مكيف
بعد ماحفزني مهيب الكوا... يكلي اعترفلهة وهسه تطلع تبادلك
خاب مهيب عميتهة ماكحلتهة انت
اني صوجي مشيت وراك ابو التعربد
دخلت للبيت روحي طافره وضايج دخلت غرفه اهلي
لكيت امي كاعده وبين رجليهة روان وتمشط بشعر روان
أنت تقرأ
أسيرَ عيناكيِ
Randomلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
