أسيرَ عيناكيِ

بارت 57

اتخبريني بحزن قد أستولى عليك؟
تباً لجميع ما يُحزنك
هل علمت بـ قمر قد حَزن؟
أفيقي يا رَبّة الحُسن لا حُزنًا يليق بك ♥️

""""""""""""""""""""&""""""""""""""""""""
اتمشى وحاضنه اديه لصدري ولافه الكوت عليه من البرد
اتنفس الهوى البارد ويطلع بخار من حلكي
كلما افتح حلكي

الشارع فارغ والشمس هستوهه دا تطلع والجو يخبل
زقزقه العصافير ترد الروح
خيط النهار بده يطلع
وديج بهاي المنطقه صار يعيط مدري شتسمونه
يعلن ع اطلاع الشمس وحل النهار

برطمت وعيوني دمعت من شفت الطين غطه حذائي الابيض
من صدك انقهرت مصار يومين من اشتريته وهاي اول لبسه الي
دنكت امسح بالحذاء بالكلينس الي بجيبي

دگ موبايلي رفعت نفسي وشلت الموبايل من جيبي
امي تتصل تافافت هسه تبدي الرزاله الزينه
فتحت خط وبعدت الموبايل من اذني

امي.وين سايبه من صباحيات الله ؟ ماتبطلين هاي سوالفج؟
..اوف يا امي اوف يا هسه اني وين موليه هياتني بالحديقه الي كدام البيت
امي.تردين تقنعيني بهاي سوالفج ؟ هسه اذا مالكيتج مزروعه كدامي اكعد ابوج احجيله
..ثواني واني بالباب

سديت الخط وركضت بحذائي الرياضي ولازمه التوربان
خاف يطير لان شامرته شلون مجان وهوى عالي
هستوني طلعت من هاي المنطقه الشعبيه
ع الشارع وكفت ولازمه صدري وشهكت بقوه

اله شوي واطير سياره طايره اجتني جان هسه متت
رفعت راسي ع الي بداخل السياره مجان مبين
راسه جان ع الستيرن

خفت خاف ضرب راسه علمود يوكف الشياره علمودي
ركضت للباب مالته فتحته بسرعه راد يوكع راسه عليه
لزمته رجعته ع الكشن

مانتبهت لشكله لان انهبطت من شفت دم نازل
من حاجبه الايمن بسرعه سحبت كلينس الموجود بالسياره
ومسحت الدم
طبطبت ع خده بخفه علمود يصحى ماكو!.

شلت بطل المي الي بجيب الكوت مالتي ورشيت ع وجهه
كعد معقج وجهه ويهز براسه متألم
همست وشفايفي ترجف من البرد

..صارلك شي ؟ متوجع ؟
..لا شكراً
..خفت عبالي حادث
..غير انتي جنج بطه تمشين بالشارع متحسبين حساب السيارات
..هسه الحق عليه صار؟
..لا يابه العفو اني يمكن صار عندي هبوط بالضغط
..تمام اخذلك تكسي تروح بيه ؟
..بنيه وينج وين هل سوالف؟
..حتى بهاي اكو تناقض بنيه وولد

كلبت عيوني ضايجه من كلامه دائماً عنصرييين بهل شي
هو ابتسم تك خد ورفع تك حاجب حاجبه المضروب رفعه

..حمدلله ع سلامتك
..وين من غبشه طالعه؟
..عفواً؟
..اقصد الشارع مو امان وانتي بطن وحيدج تمشين؟
..رجاءاً داده احترم شوي لا اعرفك ولا تعرفني شنو بطه؟
..ها داده اسفين بانده؟
..تره تصرفك ايع
..اوووي داده