من يـقول لـك لاتـحــزن،،ضـع بقلبــه سـكيـن وقــل لـهُ لا تتـألـم💔
كلام مهيمن ...
"""""""""""""""""""&""""""""""""""""""
فتحت عيوني كمت واني البس العدسه اللاصقه
غمضت وفتحت لحد ما وضحت الرؤيه عندي
هاي كل ما البسهة تغوش بالبدايه نوب توضح
كمت لميت شعري ودخلت للحمام غسلت وجهي
وطلعت واني انشف بوجهي فرشت السجاده
لبست محرم الصلاة
خلصت فرض الفجر وكعدت شوي اقرأ قرآن
خلصت سديت القرآن ورجعته لمكانه وكمت
نزعت المحرم
كمت لبست تيشيرت فوك الكيمونه الي لابستهة
ونزلت جوه جان بس عماره كاعد يتريك
وصافن بالفراغ
حور.صباح الورد
عمار.صباح العسل لاهل العسل
ابتسمت وكعدت كدامه ع الميز واني اصبلي كلاص جاي
حور.خيرك شو تصفن هل ايام
عمار.لا ماكو شي الشغل نص عقلي
حور.والنص الثاني ؟
جنت اصب الچاي واني اباوعله مبتسمه
باوعلي وضحك ورفع كلاصه مال الچاي
عمار.حوريه اريدج بموضوع
نزلت القوري مال چاي وباوعتله
حور.مواضيع وي الفجر يا ستار كول؟
عمار.مو خطير ....
اريدجج تچسيلي نبض صاحبتج ممرام
حور.همممم هنا الحجي اتالي واكع اخوي ومحد مسمي عليه
عمار.لتخليني ادمغج ولج ...
حور.اي وكعتك مدام مرام !
عمار.حوريه مو صوجج صوجي ..
حور.هههههه لا خلص خلص اليوم من اداوم اروح احاجيهة
عمار.بصوره غير مباشره
كام باسني من خدي وسحب السويج وطلع
واني خلصت وعزلت الي اكلنه بيهن
وكمت صعدت للغرفه ...
دخلت توجهن للكنتور فتحته وسحبت ملابسي
بدلت وكفت كدام المرايه اباوع لنفسي
لابسه بنطرون بيجي وقميص اسود وستره بيجي
وشعري مفتوح وكلما يطول دارجع اكصه لركبتي
خلصت ونزلت جوه طلعت للكراج رفعت السويچ
شغلت السياره وشمرت الملازم والجنطه لسوده لورا
وصعدت اني بمكان السايق وطلعت السياره من الكراج
رجعت نزلت سديت الباب وطلعت بسيارتي
مصارلي سنه من سويت العمليه ومر ع سجن مهيمن سنتين
بابا اشتغل وجهد ودبر الفلوس الي تداينهن ورجعهن لابو مصطفى
وحالتنه تحسنت اكثر من بعد ما انتكست حالتنه بمرضي
بابا اشترالي سياره جديده بعد ماباع سيارتي القديمه علمود العمليه
واشتره لعمار هم سياره هو عمار جامع فلوسهة
بس ابوي خله فوكاهن بعد...
ماشيه حياتنه خادئه وطبيعيه واني نفس حالتي
يجي الليل وتنفتح جروحي والامي وارجع لذكرياتي
ياريت اصلاً مارحنه لذيج االمنطقه
وياريت ولا شفت مهيمن ولا حبيته
طبكت سيارتي ع صفحه واني دايخه من التركيز
نزلت راسي ع الستيرن الى متى هذا وضعي؟
يعني مهيمن شلون رح يبقى وياي؟
أنت تقرأ
أسيرَ عيناكيِ
Sonstigesلااحد ينام سريعاً: لكل منا قصه يرويها لوسادتهُ وتنتهي بإبتسامه أو بكاء.
