أسيرَ عيناكيِ

بارت 20

‏-روحه روحِي , وروحِي روحه..🫀💙🔥

""""""""""""""""""&"""""""""""""""""""
..عمي يعني انت متاأكد من الي تريد تسوي؟
..طبعاً وصارلي شهر ادرسهة هاي السالفه!
...خويا مامرتاح لهاي الشغله وليش تضحي بهاي اليتيمه؟
..ينيتي ذيبه اني ربيتهة ع ايدي وهي تعرف تتصرف مو صح؟
..اي طبعاً عمي مدام انت الصگر بظهري ف مستحيل احد يهزني
كفو منج بنيتي والله والمرحوم عرف يربي ذيبه بدال ميخلف ولد'

عفتهم ومشيت واني تايهة يعني شلون اروح بيناتهم
اعيش وياهم اكل من اكلهم الحرام واكعد بنصهم
ظليت افكر وحسبه تجيبني وحسبه توديني
رفعت راسي للسماء واني اشوف النجوم
واحاجيهن واحس احجي وي بابا وماما ....

ثاني يوم صدُك لميت غراضي وطلعت اني وابن عمي الجبير
جبار وصلني لبيت خوالي بيوت جبيره حيل
صح بيت عمامي بيوتهم جبيره بس خوالي اكبر
لانهم شيوخ معروفه ...

نزلت وجبار نزل الجنط ورجع صعد
دكيت الباب والتوتر داخلي بس مظهري يبين قويه
فتح الباب خالي الجبير وشفته بعد غياب طويل
اول ماشافني ابتسم وعرفني

علي..واخيراً يبعد خالج واخيراً حنيتي ولان گلبج واجيتينه
حاجيته بابتسامه مصطنعه واني اندب بيه بداخلي
..اي خالي عرفت قيمتكم وعرفت وبان كُلشي كدام عيوني
علي.يعني رديتي ياريحه الغاليه
حجيت بداخلي اي ريحه الغاليه الي كتلتهة وحرمت بنتهة منهة
ريحه الغالي الي ذبحت بنتهة كدام اختهة الصغيره '

..اي خالي رجعت وبعد مالي رجعه يم بيت عمامي
علي.بشرفج مو حمل هبطات بعد خالج ادخلي ادخلي ...هلا جبار تفضل ادخل داخل .
جبار.مايشرفني
جبار شخط السياره وطلع باوعلي خالي وتنهد
درت وجهي ودخلت جوا خوالي مجانوا موجودين بس الجبير علي
زوجات خوالي شالني بالصلاوات ..

رغم الطريقه الي دايعاملوني بيهة بس مارفت گلبي
كلام عمي بعده يرن باذني شلون كتلوا ابوي وامي وشلون ذيحوا اختي
اني جنت موجوده بيوم الي نذبحت اختي
بس من اجيت جانت مذبحوه وبس ترمش بعيونهة
ودمعه من عيونهة نزلت ومبتسمه الي..

منظرهة لهسه طابع ببالي رغم مرور السنوات
ومن دخلت لمكان قتلهة لكيت خالي علي واكف
والسجين بيده مغركه بالدم من شافني انصدم وبصفه عمي الجبير جابر
علي شمر السجين واجاني يركض ويبرئب نفسه
بس عمي جابر سحبه وشمره واخذني وطلع يهدي بيه

بيبي بركات سحبتني تحضن وتبوس بيه
انزعجت اشوف اعدادهم جبيره ومن اشوفهم
اشوف امي بين عيوني خصوصا امهة حجيه بركات
حييييل تشبهة عبالك امي وكاعده بس عليهة علامات الكبر

تنهدت واني كوه صابره ع اعصابي شلون اتحملهم كُل هل ايام
ترخصت واخذتني الي تتسمى بنت خالي اسمهة ليان لغرفتهة
دخلت شمرت الجنطه وكعدت ع الجربايه هي تفتر بالغرفه تفتحزالبردات
وتحجي.