أسيرَ عيناكيِ

بارت 42

زهراء..

- يحبني جداً :
- كيف عرفتي؟
- يمتلك إلف سبباً للرحيل ولايرحل 💙🔥🫀

""""""""""""""""""""&"""""""""""""""""""""
جنت هستوني راجعه من السوك اني ومرت خالي علي
وبيدي علاليك الملابس وي دخلتنه طلع عثمان من المطبخ

عثما.ها هلا خاله شلوننچ
..هلا بعد خالتگ حمدلله بشوفتك
عثمان.ربي يحفضچ..شلونچ لارا
لارا.متشوفني كُلشي مبيه انت يوميه هنا حتى ماكو داعي تسلم
.ولچ شنو هل حجي هو كاعد ببيتچ؟
عثمان.هه لا خاله تعرفين لسانهة متلزمه!.

اجه اخذ العلاليك من ايد خاله وهي دخلت قبلنه
عثمان.شلون بله وي لسانچ؟
لارا.ماعاجبگ لتحاچيني!.
عثمان.مابقى شي ويتزوج رواد.!
لارا.ادري .
عثمان.اي ومابقى شي واكسر خشمچ اليابس ..

ابتسمت بغرور وخليت العلاليك ع الميز بالمطبخ
وانتكيت ع الميز وكتفت اديه ..

لارا.وشرح تسوي؟
عثمان.اسوي الماسوى احد قبلي!.
لارا.مثال؟
عثمان.بعدين تعرفين..ع طاري. زواج رواد شعچب ماجيتي للخطوبه؟
لارا.جنت تعبانه وماكدرت اجي

عاف العلاليك وانتكه ع الكاونتر وكتف اديه
عثمان.شبيچ تعبانه ؟اشو الورد متگيسي؟
لارا.شعليك انت بابا؟
عثمان.ها يعني سوالف نسوان؟

حسيت نار اشتعلت بخدي من حجه هيج شكد جريئ
لارا.انت شكو؟ وبعدين شعندك هنا يوميه ماعدكم بيت؟
عثمان.والله عاد بيت خوالي وشوكت ماجي اجي
لارا.متلاحظ نفسك صرت ثقكيل ع المعده ؟.. يعني احنه نستحي نحسسك انت متحس .
عثمان.لا ماشوف نفسي مثقل عليكم!؟
لارا.ناس لا احساس ولا ضمير اوي.'
عثمان.انتي متحسين نفسچ ثقلتي ع خوالچ مو طولت كعدتچ هنا؟.

حسيت مي بارد وذبه عليه اني جنت اتشاقه وهو حجه بجديه
لارا.اي صحيح منتضره رحمه الله تاخذني يم اهلي!.
عثمان.لحضه مو ه...

عفته وطلعت من المطبخ صح اني هم هسج كتله
بس كتله هيج بشقه وهم ادري عنده بيت واهل

اني ماعندي احد وحزت بنفسي حچايته.
صعدت فوك للغرفه اندك الباب رفعت راسي

لارا.تفضلي؟؟
دخلت ليليان شايله علاليك الملابس خللتهن يمي
ليليان.هاي عثمان كال صعديهن الهة مالاتچ؟
لاارا.اي هاي هسه اشتريتهن اني وخالتي .. امچ اشترتلچن انتي وليان.
ليليان.خوش

طلعت وسدت الباب بركعه هاي شبيهه؟
ماهتميت وكمت عزلت الملابس بالكنتور

صار وقت الغده صاحني خالي من جوه متعوده
مانزل اذا مو خالي بنفسه يصيحلي علمود
اعرف اذا خالي موجود لو لا

لان اذا خالي ماموجود اني ماكل ماعرف شلون
لهل درجه تعلقت بخاالي احسه هو كل اهلي صارلي

نزلت جوه واني اشيل بشعري ويرجع يوكع قصير
كعدت وياهم ع السفره تحت جناح خالي حبيبي..

كعدنه نسولف ونتغده بس اني ما اشارك وياهم
خالي انتبه عليه بس اگلب بالاكل وماحچي..