أسيرَ عيناكيِ

بارت4

أحب بعض اللحظات وأتذكرها باستمرار، لم تكن بتلك الروعة، لكنها كانت برفقتك .

""""""""""""""&"""""""""""""""
اباوع لامي تجهز وهي فرحانه واني عيوني مغرغره
طبعاً محسن حيسوي حنه لان هو مامتزوج قبل
ف امه تريد تفرح بيه وامي هم سوت حفله بيناتهة
هي وخواتهة وبناتهم اني افتر بس بالي مو يم الشغل
يم امي شلون رح ابتعد عنهة صح مو ذيج المعامله الزينه

بس وين انطي وجهي من تروح ماريد اروح يم ابوي
لان اخاف من عماتي مايحبني واني ماريدهن
هن احتفلن واني حتى مابدلت لبست فستان بسيط من القديم
واسمع بنات خالتي يبسمرن
...خطيه صفت لا ام ولا اب ولا اخو
..اي خطيه ابوهة ميريدهة اخذ اخوهة وراح
..وامهة هم متريدهة لو تريدهة جان اخذتهة وياهة مو تعوفهة وتتزوج
..دسكتي هي هاي منو يريدهة شكد مكروهة
..يمعوده بس تكسر الخاطر !

حسيتهن يتشمتن بيه شلون هسه يربي يسر ولا تعسر؟
بقيت افتر واباوع لامي كاعده يم خالاتي  الي هن ٢
تسولف وتضحك وياهن واني بالي مشغول
دك موبايلي رفعته هذا بابا مو وقتك من صوتي يعرفني شبيه
غزل.ها هلو بابا
بابا.هلا بيج باباتي شلونج؟
غزل.الحمدلله
بابا.حبيبتي باجر ضروري اشوفج
غزل.ليش ضروري مو تدري بس عندنه عرس
بابا.عرس منو؟
غزل.شبيك بابا غير امي..
بابا.ها خلص فهمت لعد شلون هسه؟

غزل.ليش هيج مستعجل صاير شي؟
بابا.باباتي خليني افمج السالفه وحاولي تهدئين اريد افهمج وجهاً لوجه
غزل.اي غير افهم سالفه تخص منو؟
بابا.تخص زين اخوج!غزل ماعرف شلون احجيلج السالفه بس زين جابنله سالفه اكبر من عمره وراسه وورطنه
غزل بخوف..بابا لتقلقني شصاير
بابا.لتبينين لامج خليهة فرحانه وانتي باجر تعاي باي وقت دكيلي اجي اخذج
غزل.بس باجر احنه بالقاعه العرس
غزل.اي خوش لعد اجيج للقاعه نحجي ولو ماريد اعكر مزاجج بس لازم يصيرلج علم

سديته من ابوي والخوف اكلني وماطولت الحفله
صار ثاني يوم اني ماسوت هوسه علبو جبيره ومتريد هيج
بس سوت مكياج عادي بالبيت ولبست بدله بيضه مأجره
بس ام محسن ماقبلت واصرت توديهة صالون وراحت امي
بقيت افتر وحدي بالبيت جيبي غزل ودي غزل خلي غزل شيلي غزل
تعبت هلكت عاد اتصلوا وكالوا اجت العروس بالطريق
كلهة كامت تتراكض شوي وسمعت صوت هلاهل

اني صعدت ماريد اشوفهة وهي تدخل رحت ابدل
لبست فستان جابه بابا الي ماراد يكسر فرحتي وبخاطري
جاب فستان راقي كُلش حلو وعجبني
لبسته اجه فيت عليه فستان مخصر من الصدر للخصر
وجوه الخصر كلوش وبي حزام داير مداير الخصر وعريض
لون الفستان وردي ولبست شال كريمي والحزام كريمي
لبست كعب كريمي وماخليت مكياج لان هو وجهي مبالغ بيه
تعطرت ونزلت واني بيدي مفتاح غرفتي صح مابيهة شي
بس ادير البنات يدخلن الهة واني ماحب الهوسه

امي شافتني دمعت عينهة واني اله شوي وابجي
اني سامعه الام تشوف بتهة بالبدله البيضه وتبجي
مو بنيه تشوف امهة بالبدله وتبجي شوي وكالوا اجت الزفه
كلهة نخبصت ويلبسن ويعدلن دخلن اهل العريس
منيشنات بالذهب والكشخه الفول عليهن
دخل محسن لابس قاط اخذ امي من ايدهة ولبسوهة بركع وطلعوا
اني خليتهم كلهم يطلعون وقفلتزالبيبان وطلعت
لان فرغ البيت محد طلع اخوانهة لامي راحوا حتى قبل لتروح الزفه
فشلونه!