President , Our Egg Is Lost (Myanmar Translation)

Chapter 30(Unicode)

Chapter Thirty: မူပိုင်သက်တော်စောင့်လေး

သေချာပေါက်ကိုပဲ အဲဒါ ကျီရှောငိယွီမနေ့က ကယ်တင်ပေးခဲ့သည့် ဝတုတ်လေး၏မိသားစုပင်။

သူ့ဘေးနားက ဓာတ်ပုံဆရာက ကင်မရာမီးရောင်တဖျတ်ဖျတ်နှင့် မြင်ကွင်းအား ရူးသွပ်စွာ ရိုက်ကာ ဓာတ်ပုံများကို မလွတ်တမ်းယူနေ၏။

ရင်ဘတ်ပေါ်တွင် logoတစ်ခုနှငိ့ အမျိုးသမီးသတင်းထောက်သည် မိုက်ခရိုဖုန်းတစ်ခုနှင့်ချဉ်းကပ်ကာ မေးလာ၏။ "ရှင်က မစ္စတာကျီရှောင်ယွီ ဟုတ်ပါသလား? ရှင်အခုတွေးတောနေတာကို ကျေးဇူးပြုပြီး ဝေမျှပေးပါအုန်း"
ကျီရှောင်ယွီက အနောက်သို့အနည်းငယ်ရို့လိုက်၏"ကျွန် ကျွန်တော် နည်းနည်းမူးနေတယ်.... "
ဘေးမှဝိုင်းကြည့်သူလူအုပ်ကြီးမှာ ရယ်ပွဲကျသွား၏။

"မစ္စတာကျီရှောင်ယွီကို ဒီလိုငယ်ရွယ်ပြီး ချောမောတဲ့ကောင်လေးဖြစ်မယ်လို့ ကျွန်မမထင်ထားခဲ့မိဘူး။  ကြည့်ရတာတော့ သူကအရမ်းရှက်နေတဲ့ပုံပဲ" အမျိုးသမီးသတင်းေထာက်က ရွှတ်နောက်နောက်လည်း ပြုံးလိုက်သေးသည်။ "ကျွန်မ ဒီကိုလူချောလေးကို မေးချင်တာက မနေ့တုန်းက ရှောင်ပေါင်က လူကုန်ကူးသမားတွေ ပြန်ပေးဆွဲတာခံရပြီလို့ ရှင်သိသွားတဲ့အချိန် ရှင့်ရဲ့အတွေးကဘာများလဲ? ရှင့်ရဲ့ကိုယ်ပိုင်လုံခြုံမှုကို မမှုဘဲ ရှင့်ကိုအရှေ့ကိုတက်ပြီး လူကုန်ကူးသမားတွေရဲ့ဗင်န်ကားနောက်ကို လိုက်ဖို့ ဘာကများလှုံ့ေဆာ်ခဲ့တာလဲ?"

ကျီရှောင်ယွီက သူ၏ခေါင်းကိုကုတ်လိုက်ကာ ဆိုလာ၏။ "ကျွန်တော်ထင်ခဲ့တာက သူ့ရဲ့မိဘတွေ သူ့ကိုဒီလိုဖြူဖွေးတုတ်ခိုင်ဖို့ ပျိုးထောင်ခဲ့ရတာလွယ်မှာမဟုတ်ဘူး ၊ ပိုက်ဆံတွေအများကြီး ကုန်ခဲ့မှာပဲလို့ ၊ဒါကြောင့် အကယ်၍သာ သူတို့သူ့ကိုဆံုးရှုံးလိုက်ရမယ်ဆိုရင် သူတို့က အရမ်းဝမ်းနည်းသွားလိမ့်မယ်ဆိုပြီး တွေးခဲ့မိတာပါ"

လူအုပ်ကြီးက တစ်ဖန်ရယ်ပွဲကျသွားပြန်သည်။ ယန်ယီဖုန်းက မျက်နှာဖြတ်ရိုက်ခံလိုက်ရကာ သတင်းထောက်အမျိုးသမီး၏နှုတ်ခမ်းတို့သည်လည်း တမျိုးတမည်ဖြစ်သွား၏။ သူမ၏ယဉ်ကျေးသောလေသံကို မပျောက်ဘဲ သူမကအပြုံးလေးနှင့်ဆက်ပြောလိုက်သည်"လူေချာေလးက တကယ်ရယ်ရတာပဲ။ ဟုတ်ပါတယ် ကလေးတိုင်းက မရေမတွက်နိုင်တဲ့ စွမ်းအင် အားထုတ်မှုနဲ့ ငွေတွေကိုသုံးပေးတဲ့ မိဘတွေရဲ့ပြုစုပျိုးထောင်ပေးမှုကိုခံရတာပါ။သူတို့အားလုံးက သူတို့မိဘတွေရဲ့ရတနာတွေပဲ ဒါကြောင့် လူကုန်ကူးသမားတွေရဲ့အပြုအမူက အထူးသဖြင့်ကိုမနှစ်မြို့ဖွယ်​ကောင်းလှပါတယ်"