حب للبيع في شباك التذاكر

البارت الثالث عشر(مزج درامي)

رواية
حب للبيع في شباك التذاكر p13
#بقلم_ashley_hanson

غرير : مقولتليش إسمك؟
ماهر بإبتسامة خفيفة : إسمي صابر الدسوقي
غرير : أنا غرير الصُهيبي
إبتسم ماهر و خرج من الكابينه ...في إتجاه طرف المركب ...وقف جمب لوروز وهما باصين للبحر ...حط إيده في جيبه وقال : واضح إنه بيحبك جدا
إلتفتت لوروز وبصت له
ماهر : برغم إنه مبيحبش البحر ..جه مخصوص عشانك...صعب إنك تجبري راجل لحاجة مبيحبهاش أو مش مقتنع بيها ...خليكي صبورة معاه  هيتحسن بيكي ...هو مستنيكي في الكابينة

بصت له بأستغراب و أنسحبت من جمبه...دخلت للكابينة ..مد إيده غربر ليها..إبتسمت وقربت منه ..وقفها قدامه وضمها من ظهرها وسند بدقنه علي كتفها
قعد ماهر علي طرف المركب وخرج تلفونه من جيبه وأتصل بغرام فديو .... مال بجسمه لورا وسند راسه... وخلال ثوان...صحيت غرام من نومها ...فتحت الأباجور و ردت علي الأتصال
ماهر بإبتسامه  : وحشتيني يا غرامي
غرام : وأنت كمان وحشتني يا ماهر... بقالك ١٠ أيام في الشغل مش بتشوفني
ماهر لف الكاميرا علي الكابينة
غرام  : الله ...مين دول ؟؟؟
لف الكاميرا عليه وقال : إتنين عشاق ...فكروني بينا في أول موعد لينا علي اليخت
غرام  : وحشتني يا ماهر...وحشتني ضمتك ليا اللي بتطمني وتقولي إن كل حاجة تمام ...هتجن عليك
ماهر : وإنتي وحشاني جدا...خلاص يا روحي هما ٤ أيام وتشوفيني
غرام بإحباط : ٤ أيام ؟؟ معندكش حتي وقت تيجي تشوفني ؟
ماهر : أنا في رحلة دلوقتي قدامها ٤٥ دقيقة ...هوصلهم للضفة التانية للمينا بتاعتنا ...بس معنديش وقت  .. لازم أرجع تاني ..حتي لو مفيش شحن مقدرش أسيب الشغل منتي عارفة
ماهر علي سهوة  : غرام ..هكلمك بعدين...لازم أروح للكابينة

بعد دقايق

خرج ماهر من الكابينة وقال : وصلنا
راح لطرف اليخت وربطه ...نزل غرير ومد إيده ل لوروز ونزلها ... وقف ماهر وهو بينفض إيده وقال : معاكم عربية ولا هتحتاجو توصيلة؟ ؟
غرير : هنلاقي مواصلة ..مفيش داع تتعب نفسك
ماهر :  مفيش مواصلات هنا في المينا...الفندق كان المفروض يظبط معاك سايق ...المهم ..تعالو أركبو هوصلكم للفندق وأرجع أنا
غرير : تمام
ركب العربية ولوروز ركبت ورا ...قفل ماهر الباب وفجأه لقي عربية غرام داخله عليهم ..وقفت بسرعة ونزلت من العربية بتجري عليه ...نزل ماهر بسرعة وجري عليها وضمها ...غرام كانت بتنهج وبتبكي ... مسح دموعها وضمها ليه جامد
غرام : أنا كنت خايفة ملحقكش
ماهر : وغلاوتك عندي يا غرامي لو كنت شفت دموعك دي في الفديو كنت أنا اللي هجيلك جري

نزل غرير وفي إيده لوروز وقال : أنا شايف إننا نتمشي أحسن ...مش عايزين نسرق وقتكم
ماهر : لا لا ...أنا هوصلكم
ماهر لغرام  : غرام ...أعرفك ب غرير الصُهيبي ومراته
لوروز مدت إيدها بإبتسامة وقالت : لوروز ...شكلك مش غريب عليا ...إنتي غرام الدسوقي..مظبوط ؟؟
غرام : أيوة
لوروز  : شفت مقالة ليكي في موقع ..شدتني جدا ..إتكلمتي فيها عن الروحانيات والتبصير
غرام  : صحيح ...في واحدة هنا بتبصر.... وإتكلمت عن تجربة شخصية
ماهر : طيب ...إيه رأيكم تتعشو معانا وبعدين أوصلكم
غرير  : من دواعي سروري ...أتمني منكونش بنزعجكم
غرام : لا لا أبداً ...طيب أنا هاخد معايا غرام في العربية و غرير معاك يا ماهر
ماهر : أتفقنا