حب للبيع في شباك التذاكر

البارت الثالث والعشرون

رواية
حب للبيع في شباك التذاكر p23
#بقلم_ashley_hanson

في حوار بين جواهر و رأفت

جواهر ببكاء : هو مفيش غيره..إبنك العاصي..إنت السبب...إنت اللي لوفت علخدامة لحد ما جابتلنا عيل يدفنا في الطين...إنت السبب...قلبي مش هيسامحك أبدا يا رأفت..هتفضل شايل ذنب أخوك اللي مات ده وعمك
رأفت : مش إبن ندي اللي عمل كده ...التاني اللي إسمه قبطان...عايش دور إبني
فكرت : إيه الكلام الفارغ ده؟ ؟؟ القبطان هو إبنك اللي كان في الحفرة في حضن ندي ...إنت لسه مش متأكد من إبنك؟ ؟؟
رأفت بعصبية : ده مش إبني ..سالم هو إبني...أنا شوفته بنفسي يوم ولادة ندي...الولد كان عنده وحمه كبيرة في إيده...الوحمة دي مش  فإيد القبطان.. أنا إزاي مخدتش بالي طول الفترة اللي كان بيخدعني فيها
فكرت : قصدك إيه ؟؟؟ إنت متأكد من الكلام ده ؟؟
رأفت : لو مش مصدقني إسال عز....

بكت جواهر وقالت : متنطقش إسمه تاني علي لسانك...عزت مات.. مات بسببك...إمشي من بيتي..لم حاجتك وأخرج من هنا..مش عايزة أشوف وشك ...طول عمرك جايب لنا الشوم من أفعالك السو

خرج رأفت من هناك..و فكرت فضل مكانه بيستوعب موضوع سالم وفي باله بيقول : معقولة  ؟؟؟ معقولة يكون سالم هو أخو بلال...ده معناها إن جلال عايش..طب ياترا هما عارفين كده ومخبيين علينا وبيلعبو اللعبة دي فعلا زي ما رأفت بيقول؟؟  ولا معندهمش خبر

في قصر الصُهيبي

في الحديقة الخلفية كانت شهد قعدة بتقطع في الورد من الملل...قعد سالم جمبها علي الأرض..بص لها وقال: عملتي إيه النهاردة؟ ؟؟ جيبتي كل اللي ناقصك؟ ؟
شهد : أنا مفيش حاجة نقصاني يا سالم ...الفكرة كلها إني نزهية وبحب التغيير و بمل بسرعة
سالم : إيه الكلام المرعب ده ؟؟ خوفتيني منك
شهد: إشمعني؟ ؟
سالم : مبحبش الست اللي بتمل بسرعة..مزاجها بيبقي متقلب ومفيش حاجة بتعجبها وفي الفترة اللي كنا فيها في بيت الجبل..مشوفتش ده فيكي ودلوقتي بتفاجئيني بكلامك
شهد : متقلقش..مبزهقش من اللي بحبهم
سالم: و مين قالك إني قلقان..أنا بس بتعرف عليكي
مسك إيدها وقال: إنتي جميله يا شهد...في الأول كنت أتردد أبصلك...كنت بشوف مرات أخويا في وشي ..ملامحكم زي بعض..بس طباعكم مختلفة...هي ضعيفة وإنتي قوية...واحدة حساسة والتانية شجاعة..قصيرة وطويلة...في تفاصيل مش هيركز فيها غير اللي عاشركم بجد
شهد : وإنت برضو مختلف عن أخوك..بصراحة..إنت في نظري أحلي وأطيب وأنظف منه
سالم : بلال مفيش زيه...يارتني حتي نصه ياشهد إنتي بس اللي ظلماه ...الفرق بينا إنه متعلق بندي أوي وأنا متعلق بيه
شهد : أنا دايما كنت بتردد أسالك السؤال ده...إنت مش بتحس ب غل من رأفت زي بلال ؟؟ قصدي حزين عليها زيه ولا البعد اللي حصل ده مش مأثر فيك أوي؟ ؟
سالم : أكيد طبعا بفكر فيها وحزين عليها..بس مش نفس غرير...غرير كان معاها وأتضرر زيها...أنا متأكد إنها حبته أكتر...لو مش عشانه إبنها..فعشان شاركها وقت كبير وألم مرته ووجوده كان مخفف عليها اللي بتعانيه
شهد : أكيد كانت حزينة عليك برضو...إحنا هنفضل لحد إمتي كده محبوسين بسببه؟ ؟؟
سالم: لما يقع في شِباك غرير ويكون الوقت مناسب...لئيم..بيعرف يتخبي كويس ويظهر في أماكن صعبة تصطاديه فيها
شهد : يا مسهل..أحسن أنا زهقت من القعدة دي ..عايزة أرجع لشغلي