حب للبيع في شباك التذاكر

البارت الواحد والعشرون

رواية
حب للبيع في شباك التذاكر p21
#بقلم_ashley_hanson

أثناء ما كانت نوارة وبناتها بيتشاورو وبيفكرو في حلول لنجاتهم..بالرغم من أمانهم في القصر وتأكيد غرير بإنه عتقهم وإنه مستحيل يأذيهم وإنهم يعتبرو من أهل القصر زيهم زيه ولكن بحدود وشروط...ولكنهم متطمنوش بعد موت النمساوي وعزت ..وبالرغم من إنه سابهم ورمي طوبتهم إلا إنهم حزنو عليه وقادت النار جواهم من غرير
و في الوقت ده طلعت لوروز علي السلم لأوضتها وهي بتدب برجليها من الغيظ...رزعت الباب وراها.... طلع غرير وراها بسرعة ودخل الأوضة
قعد جمبها قدام التسريحه وحط إيده علي كتافها وقال  : لوزة ؟؟؟ إنتي متضايقة مني ؟؟؟
لوروز وهي بتزيح إيده عنها : أيوة يا غرير أيوة...أنا مش مصدقة إنك عملت كده وكمان بتقولها بثبات قدام مراته وبناته...دول أهله يا غرير..أهله... لازم تعرف إن مهما كان أبوهم ده إيه هما برضو بيحبوه والست دي تبقي مراته..دي كان ممكن تموت فيها...أنا مش فاهمة إنت ليه بتتقصد تجرح اللي قدامك
غرير : أنا مقصدتش..أنا قلت اللي حصل...ثم إن نوارة عارفة كويس إني بدور علي جوزها  .. الراجل ده يا لوزة ليه قصة قذرة وتاريخ هباب  ...إنتي مش عارفة حاجة...لو معملتش كده أبقي لمؤخذه مش راجل
لوروز بغيظ: وعمل إيه بقي يستاهل الشنق ؟؟؟
غرير : راجل سكري وبتاع قمار...طول الوقت بيتمطوح..مفيش حاجة نظيفة في سجله...بقولك ساب مراته وبناته في الشارع وهرب في ديل رأس الحية اللي إسمه رأفت
وقفت لوروز وربعت إيدها وبصت له بحدة وقالت : عمل إيه يا غرير يستاهل اللي إنت عملته فيه ده ؟؟؟؟ عمل إيه؟ ؟؟
غرير بعصبية قال بصوت عالي : حاول يعتدي علي ندي أكتر من مرة...كل مرة بيدخل القصر سكران وهباب طين ويطلب من ندي في المطبخ تعمله قهوة تفوقه ويحاول يتطاول عليها
لوروز : إنت عرفت منين الكلام ده ؟؟
غرير : وجيدة كانت واحدة من الخدم في المطبخ...كانت الوحيدة اللي بتقف جمبها وتنقذها من إيده
لوروز : وهي ليه تتحمل ده كله ؟؟؟ ليه متسيبش القصر وتهرب؟ ؟ هيجنني السؤال ده ...ندي وصلت نفسها للمشنقة يا غرير
غرير : وإنتي ليه إستحملتي اللي عملته فيكي؟ ؟؟ فضلتي معايا ليه رغم إني هددتك بحياتك وفتحت إيدك وبعتك في شباك التذاكر ؟؟؟ عايزة الإجابة؟ ؟؟ عشان حبت يا لوزة...حبت...وقعت في حب شيطان ميستاهلش
لوروز : طب وهتعمل إيه؟ ؟؟ أكيد هما مرعوبين منك بعد اللي عملته في النمساوي
غرير : عشان أغبية...ميعرفوش حاجة ...النمساوي سلمهم لرأفت رغم إنه عارف إنه عايز يقتلهم...ضحي بيهم يا لوزة ..متخيلة؟ ؟؟ ده واحد يتزعل عليه ؟؟؟ أنا مشوفتش غباء بالشكل ده
لوروز  : أنا مش فاهمة رأفت ده عايز يقتلهم ليه ؟؟؟
غرير : عشان تحت حمايتي...عشان لجأولي
لوروز : ناوي علي مين تاني ؟؟؟ إمتي بقي يا غرير هنعيش طبيعي؟ ؟؟
غرير : فاضل هو ... بعدها كل واحد حر..عايزين يسيبو القصر يسيبوه مش همنعهم

وقف وقرب من لوروز من ظهرها...حط إيده علي خصرها وقرب من راسها وقال : إلا إنتي ...إتحكم عليكي بالمؤبد يا لوزة
إلتفتت ليه لوروز وقالت : إيه رأيك نأجل سهرة السينما ليوم تاني ؟
غرير : عندك فكرة أحسن؟ ؟
لوروز : و هو في حاجة أحسن من تقضية الليلة معاك؟؟
بصت له بهدوء وقالت بنبرة غزلية : وحشتني يا غرير ..وحشني قربك
شالها ومال بيها علي السرير...حط إيده علي جبينها وهو بيزيح شعرها من علي وشها وقال بنبرة خافتة : وأنا مش عايز حاجة في الدنيا غير قربك يالوزة...بس أنا عايز أسمعها... دي الحاجة الوحيدة اللي ملكتيني بيها..مش عايزك تبطلي تقولهالي
قرب منها وملس بوشه بشرتها...وبمجرد ما نفسه لمس عيونها...غمضت في هدوء ونفسها إتقطع تدريجي...حطت إيدها تحت دراعه لورا ظهره وقربته منها وبإيدها التانية نزلت الرقعة من علي عينه...فتحت عيونها الدبلانه وبصت له بهيمنه وقالت وهي باصة في عيونه بصوت خافت : بحبك