رواية
حب للبيع في شباك التذاكر p17
#بقلم_ashley_hanson
طلع النهار و رن المنبه جانب سرير غرير ..مكنش علي سريره وقتها ... صحيت لوروز و شبت بجسمها الناحية التانية من السرير مكان غرير ..ووقفت المنبه عن الرن
لوروز بصوت ناعس : غرير ؟؟؟ غرير؟ ؟
رفعت جسمها من علي السرير وبصت في الأوضة ..لقيته قاعد علي الكرسي ونايم والكتاب بتاعه
(قطرات من دم الندي ) في إيدي واقع علي رجله
شالت الغطا من عليها ونزلت وراحت في إتجاهه ...سحبت الكتاب من إيده وطبطبت علي كتفه بهدوء وهي بتصحيه بصوت خافت : غرير ؟؟ قوم يا حبيبي نام في سريرك...غرير ؟؟؟
غرير فتح عيونه وقال بصوت ناعس : في إيه يا لوزة ؟؟؟ هي الساعة كام دلوقتي ؟؟
لوروز : ٧ الصبح ...إنت إيه اللي نيمك هنا...مجيتش نمت جمبي ليه يا روحي ؟؟؟
غرير : مكنش جايلي نوم ... عقلي مرهق جدا وحاسس بخمول النهاردة
حط إيده علي خدها وأبتسم وقال : نمتي كويس يا حبيبتي ؟؟؟
لوروز : أيوة..بس إنت محتاج راحة
وهي بتشده من إيده بالراحة : قوم معايا ..تعالي نام في سريرك ...شكلك تعبان جدا
وقف وراح لسريره وقعد ...قلع جاكيت البدلة و حدفه علي الكرسي ...وقفت لوروز قدامه وقلعته السديري وفكت أزرار قميصه
غرير وهو بيحاول يفتح عيونه ويفوق : الساعة ٧ ...أنا مش هقدر أنام ..لازم أروح الشركة
لوروز : مفيش شغل النهاردة..خلي سالم يروح بدالك...إنت محتاج راحة
راحت دولابه وخرجت بنطلون للنوم ...حطته علي رجله وقالت : إلبس لحد ما أجيبلك حباية تساعدك تنام...هتساعدك تنام
فتحت الدرج وخرجت الدوا وصبت مياه في كاسة وأدتهاله
شربها ومال علي السرير...مد إيده وسحبها قدامه ..ضمها لحضنه وقال : خليكي هنا
لفت بوشها لوشه وشالت رقعة العين من عليه
لوروز : متحطهاش طول منتا حواليا..إنت جمييل من غيرها
غرير وهو بيغيب عن الوعي بصوت مختفي : بحبك يا لوزة
بعد ٦ ساعات
فاق غرير من نومه ...وبدون ما يلبس أو يحط الرقعة نزل لتحت بسرعة علي صوت نباح الكلب بتاعه .... فتح الباب بسرعة وجري عليه
سالم : قبطان ؟؟؟ أنا مرضتش أصحيك
غرير : ماله ؟؟؟
وطي وملس عليه وهو بيقوله : مالك يا صاحبي ؟؟؟فيك إيه ؟؟؟
غرير لسالم : جهز العربية فورا ...أنا هلبس وأخده للدكتور
غرير لوجيدة : فين لوروز ؟؟؟
وجيدة : نزلت من شوية يا قبطان
غرير : مقالتش رايحة فين؟ ؟
وجيدة : قالت رايحة تزور أهلها ..تحب أتصل علي تلفون بيتهم ؟؟
غرير: لأ لأ سيبيها براحتها.. بس توصل بلغيها إني نزلت
و في نفس الوقت ولكن في مكان تاني
شربات : قوليلي...عاملة إيه معاه ؟؟ بيعاملك كويس ؟ ؟
لوروز : جدا جدا...غرير طيب..وبيحبني يا ماما...أه نسيت
فتحت شنطتها وخرجت أنسيال دهب..وأدته لشربات بإبتسامة وقالت : ده ليكي
شربات : ليا ؟؟ ده جميل أوي يا لولو...متحرمش منك يا بنتي ..ونبي طلعتي أجدع من اختك ..من يوم ما أتجوزت ولا حتي أفتكرتنا بكيلو تفاح
لوروز بضحكة : هههه ألا هي فين صحيح ؟؟
شربات : أختك دلوقتي بتشتغل في مطعم كبير للناس الهاي. وراتبها حلو ومعقول وبيدوها مكافأت كتير
لوروز بإستغراب : معقولة ؟؟؟
شربات : أيوة..بتلبس دلوقتي زي الهوانم..لو تشوفيها مش هتصدقي
لوروز : مممم...هبقي أعدي أشوفها في يوم...المهم ..خليني أقولك علي خبر
شربات : إيه ؟؟ قولي ...فرحي قلبي
لوروز : أنا حامل يا ماما
شربات وقفت ببهجة وقالت : بجد ؟؟؟ بجد يا لولو...ألف مبرووووك..ده أحلي خبر سمعته لولولولوللولولي
لوروز بضحكة : ههههه مش للدرجة دي يا ماما.... دنا لما عرفت كنت هموت من الفرحة..حسيت قلبي هيقف
شربات : وغرير ؟؟؟؟ قال إيه ؟؟
لوروز بتهرب من الأجابة وقفت بسرعة وقالت وهي بتشد شنطتها : غرير ؟؟؟ دنا سايباه نايم ونزلت بدون ما يعرف...لازم أرجع حالا
شربات : ماشي يا بنتي ..بس متغيبيش علينا بتوحشيني
لوروز : إحنا أكيد هنستضيفكم عندنا قريب ونتلم تاني بس غرير يفوق كده لحسن تعبان
أنت تقرأ
حب للبيع في شباك التذاكر
Roman d'amourقصة عن شاب ملقب ب (القبطان) بسبب رقعة العين وحمله للخطاف دائما ..تقع في طريقه شابه جميلة تعشق أفلام القراصنة ويبدأ لقائهم في السينما، فستكون حياتها متوقفة علي قراءة كتاب علي رف مكتبه إما قرائته بطريقة ترضيه أو تموت بخطافه
