حب للبيع في شباك التذاكر

البارت الرابع والعشرون

رواية
حب للبيع في شباك التذاكر p24
#بقلم_ashley_hanson

فلاش باك

غرير : لأ..مينفعش أعمل كده دلوقتي..أنا خلاص بظبط كمين لرأفت وبعدها همشيهم من هنا ...ومن دلوقتي لحد ما ده يحصل..محدش فيكم هيقربلهم..ولا هما هيقربولكم...سالم حبسهم في أوضهم ومش هيخرجو منها نهائي
لوروز : أنا بقولك إنهم خطر علينا وإنت واقف قدامي بكل بلود تقولي محدش يمسهم  ؟؟؟ وأنا؟ ؟وإبنك؟ ؟؟مش فارقين معاك؟ ؟؟كانت هتقلتني من دقايق
غرير : مكنش لازم تروحي هناك ..إنتي في كامل قواكي العقلية بتقوليلي إنهم خطر وبرغم كده روحتلهم

لوروز في اللحظة دي إتغاظت منه جدا...قربت بكل غضب وضربته بالقلم بكل عزمها
لوروز : إنت مبتلومش حد غيري ؟؟ أنا مش بالتحمل ده كله...خرج غضبك فيا...إقتلني وريح نفسك وخرج كل السواد اللي جواك ده فيا..أقولك علي حاجة  ؟؟؟ ده حتي مش هيكفيك...أنا أصلا مش مستنيه منك تاخد حقي منهم...حرقولي إيدي قبل كده و في تاني يوم كنت في حضني يا غرير.. كتمت الألم وإنت ببرود بتتشبث فيا وملاحظتش ...كنت هتقتلني وتقتل إبنك وعرفت إنهم السبب في تخديرك ومعملتش حاجة...أنا إبتديت أشك في أهل القصر الحقيقين ..و دلوقتي بس عرفت مين هما ستات القصر ده ...مش هستني منك تقف جمبي ولا حضنك ده هيسعفني..أنا هاخد حقي بإيدي...إبني مش هييجي علقصر ده طول ما هما هنا

شدت البالطو وشنطتها وملابس النوم
غرير : رايحة فين؟ ؟؟
لوروز  : هنام في أوضة تانية...و أوعي تفكر تقربلي ولا تخبط علي بابي 

وفي حوار بين شهد وسالم

شهد : إنت إزاي تتدخل وتزعقلي بالشكل ده ؟؟؟ ليه مسبتنيش أموت الحداية وبناتها دول
سالم : أنا قايلك ومحذرك قبل ما أنزل من هنا تخلي بالك من حركاتك... وإنتو رايحين تشدو في شعر بعض وتحدفو بعض بالصيني؟؟... يافرحتي بالست العاقلة اللي علي ذمتي
شهد : أنا مابسيبش حقي ولا حق أختي يا سالم
سالم : إنتو أيه اللي موديكم هناك من الأساس؟ ؟ أنا مش ناقص مشاكل مع القبطان..أول حاجة هيعملها هيرميكي برا..وقتها هنتصرف إزاي؟ ؟؟
شهد : تتصرف زيه وتحمي مراتك..دي مشكلتك اللي بتهرب منها...و أنا دوري أحمي لولو وأحمي إبنها
سالم : وإبنك؟ ؟وإنتي؟ ؟؟
شهد : أنا نسيت حتي السؤال ده ...مش متعودة حد يسألني مالك ...بنسي حتي إني متجوزة..وإنك بجد بتحبني
سالم: بس أنا مش بنسي..وأنتو تهموني وعايزك تسمعي كلامي
شهد  : أنا بقي هاخد حقي وحق لولو...غير كده متتدخلش يا إما مش هعملك حساب وقتها

فتحت الباب وخرجت من الأوضة وراحت لأوضتها...وبعد نص الليل صوت ضرب نار عالي...صحي كل واحد منهم في غرفة مختلفة...نزل غرير وسالم بسرعة للجناح التاني من القصر وبعد دقايق ظهرت لوروز وشهد ...صرخت لوروز من المنظر.. وقفت شهد مكانها ورفعت حواجبها بثبات ولامبالاه...بصو لهم غرير وسالم وكل واحد فيهم أتهم مراته