هديـــتي... أهديتــها قلبــي

شخصيات الرواية

اولاً صباح الخير

ثانياً اتمنى ان تكون الرواية نالت استحسانكم

ثالثاً اذا نريد نتكلم ع شخصيات الرواية واحد واحد وشخصية شخصية

انا نوهت سابقاً انو القصة صار بيها هواي حذف حسب طلب اصحابها

وهذا الي كدرت انقله

اذا نريد نتكلم عن القصة فهي وصلتني عن طريق حرمان وريام بدون علم ازواجهم بالبداية

بعد فترة عرفو ازواجهم بالموضوع بالبداية صارت مشاكل وانحذفت القصة بعدين صار تفاهم على انه بعض الاحداث تنحذف واتفقنا ع هيج وانا ما اكدر اخل بالاتفاق ومشيت ع الاتفاق ونزلت الاحداث الي مسموحلي بيها

اذا نجي ع شخصيات الرواية

فحرمان حست بغلطها وتداركت الموقف وصالحت زوجها الي هو اصلا جان منتظر مبادرتها لأنو طبعه كرجل ابن عرب ما يسمحله انو يركض وره مرة حتى لو كان يحبها ودائما ينتظر هي الي تبادر

زياد وريام
ريام ما تخلت عن زوجها وحب عمرها وقررت ان توكف ويا بمحنته
اما زياد فلاقى عقابه من رب العالمين وانحرم من الذرية للابد

الانسان مهما يسوي اشياء غلط ويفلت من العقاب بسبب سلطته ماراح يفلت من عقاب رب العالمين سواء بالدنيا او بالاخرة

وزياد حصد نتيجة فعله انو فقد الراحة فقد النوم فقد الشعور بالامان واخيرا فقد اعز ما يملك الرجل وهي ذريته

اما فهد فاخيرا تزوج وحدة يحبها وطبعا ماترك زوجته الاولى حتى لو كان مايحبها

اتمنى وضحت الامور عدكم والى اللقاء في قصة جديدة

تحياتي
مروة المحمداوي