ام راضي: لازم وصلج الخبر
بيداء: جا اكو احلى من هذا الخبر يا يمة عنادي راح يصير الي ع عناد العذال
ام راضي: خايبة حريشي خون جا وهاي الكدامج شني خراعة جا انتي كلشي تسمعين تصكدينه حكج عكل مامش
حرمان
فتحت عيوني بصدمة واني اسمع حجيها
كمت ع حيلي وحجيت: شنو يعني صار الج شنو تقصدين
بيداء: مثل ما سمعتي عناد خطبني يا حلوة يعني لمي خراكينج وانكلعي رجعي منين ما اجيتي
حرمان: شهالحجي فوضة هي فوضة شنو يعني الم غراضي بأمر من منو
بيداء: بأمر مني حبيبتي غير راح اصير مرت عناد
حرمان: انتي شدا تخربطين شنو مرت عناد روحي لعبي بعيد والا والله اكرهج حياتج
بيداء: لا تمسلتين فوك راسي ترى ما اعرف هاي هذرتج جا شتردين حبوبة عناد يبقى عليج انتي شايفة وجهج
عناد
جنت واكف بالباب واسمع الحجي بيناتهم واضحك ع ردة فعل حرمان
حرمان: شوف منو تحجي ع الوجوه البقرة الضاحكة
بيداء: ولج انا بقرة جا هسه اوريج البقرة شراح تسوي
حرمان
هجمت عليه وانهزمت ختلت وره حجية ام راضي وهي تصرخ وتضرب بينا بعوجيتها
بيداء: اليوم اخلصج بالعباس اوديج لاهلج جنازة
عناد: بيدااااء.....
عم الهدوء فجأة والكل سكت وابتعدت بيداء عني وعينها ع عناد ومبين بيها الخوف
بيداء بتردد: ابن عمي
عناد: ياهو لطاج الاذن تتهجمين ع اهل بيتي
بيداء: يااا جا انا مو من اهل بيتك يبن عمي
عناد: احذرج يبيداء هاي اخر مرة اسمع حسج عالي ابيتي ولا المرة التجي ما تعبر سلامات.....حرمااان
صاح وهو عيونه ع بيداء يباوعلها بنظرة غضب
كمت ع حيلي وحجيت مثل الثولة: هاا
عناد: صعدي فوك بسرعة
نكتت ملابسي وعبرت من يمه صعدت فوك واني احس راح انفجر من القهر
منو متخيل نفسه حتى يسوي هيج بيه
اذا يريد بت عمه ليش تصخم وتزوجني ..حتى لو جنت ما احبه بس مستحيل اسكتله واخلي يكسرني
اني مو رخيصة عد نفسي ولا مثل بيداء شامرة نفسي عليه وراضية بأي شي
بسيطة يا عناد اني اعلمك
اخذت تلفوني واتصلت ع ماما واني بالكوة حابسة دمعتي
اول ما سمعت صوتها انهاريت
سكينة بخوف: حرمان..حرمان شبيج يمة ليش تبجين ..عناد بي شي..سوالج شي شبيج احجي ولج حرمان
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
