هديـــتي... أهديتــها قلبــي

البارت 19

سكينة: يعني اروح اخطبلك ريام

زياد: يمة ريام مو جنها زغيرة عليه وعقلها زغير

سكينة: شبيها بالعكس تربيها ع ايدك وتعلمها اطباعك اشوف ما جان هذا حجيك من زوجت حرمان لعناد

زياد: خلص يمة انتي فصلي واني البس

سكينة: الله يفرح كلبك مثل ما فرحت كلبي يا يمة بس هاااا ما اوصيك بعد يمة زياد سوالف العزوبية تتركهن وتنساهن ما اريد اتفاشل ويا البنية واهلها جيرانه من عمر وبمقام اهل عيب شيكولون علينا

زياد: الله كريم عود يلا انا اترخص اروح انام ميت من التعب

صبا

رخصوني وطلعت للبيت وزياد بس وصلني يم باب العمارة وراح عبالك يريد بس يشمرني ويخلص مني الله ينطي المرة الطيبة وزوجها الي ما تركوني ولا لحظة

رجعو بسيارتهم ورجعني زياد بسيارته بدون لا يحجي ولا شي بالطريق وكف سيارة كدام العمارة الي ساكنين بيها ونزلت المرة بسرعة من سيارتهم واجت تساعدني حتى انزل وبمجرد ما نزلت شخط سيارته وراح وهو الزعلان فوك الي سوا بيه

صعدتني ام سيف الشقتي حسب ما سمعت زوجها يصيحها بهالاسم

دخلتني للغرفة نومتني وحجت: ارتاحي حبيبتي الدكتورة كالت ممنوع عليج الحركة والتعب علما تعدي الاشهر الاولى ع خير واهم شي زوجج الغثيث لا تخلينه يأذيج او يضربج حاولي تتجنبينه خلي هالطفل الي ابطنج يجي ع خير ولو الي مثله حتى بزونه ما اخلي بيده بس شنكول الك بيها ارادة يارب

صبا: كلش اشكرج خاله بصراحة ما اعرف شلون راح اردلج هالجميل انتي وعمو ما قصرتو

ام سيف: شلج بهالكلام يا بنتي الناس للناس قابل نخليج بهالحالة ارتاحي امي ارتاحي ناميلج شوي اروح اني للبيت اسويلج شوربة حارة تدفي بطنج ما اكلتي شي من الصبح

ابتسمت الها بدون لا احجي شي لان جنت تعبانة كلش واحس الي بيه مكفيني ما كادرة اتحمل اكثر ولا اريد اشوف احد

الشخص الوحيد الي المفروض يكون وياي هسه ويساندني ويقويني ويكون الي ظهر اتخلى عني وراح حتى ما سأل ولا كلف نفسه ينزل اصلا

مع كل هذا كلبي ما دا يكدر يكرهه احس نفسي معمية عن كلشي كاعد يسوي بيه وكلبي ما يكدر يحقد عليه

اووف يا زياد لو تدري شكد احبك جان ما سويت كل الي سويته

حرمان

كملت شغلي بسرعة غسلت وكويت ملابس عناد وحظرت جنطته وحظرت جنطتي اني هم واحس الكاع ما شايلتني واخيرا راح اروح البيتنا وارجع الغرفتي

بقيت واكفة صافنة واحس ابالي فكرة لازم تتنفذ ومستحيل تجيني فرصة احسن من هاي

باوعت الجنطة عناد الي بالكاع مفتوحة بعد ما كملت تسفيط ملابسة واني احجي: ماشي يا عناد راح انفذ كلشي تكلي عليه واصير خرسة وطرشة اذا تريد المهم توصلني البغداد وساعتها اطلع ما افتهم اذا رجعت وياك