عناد: مراحب...منو؟؟
حرمان: بقيت فترة فاتحة المحادثة وصافنة مترددة ارد بعدها جريت نفس طويل وتشجعت
حرمان: الثولة الي عقدت عليها وعفتها حتى ما كلفت نفسك تشوفها
عناد باستغراب: منو حرمان؟
حرمان: ليش؟؟ الظاهر تعرف هواي وصاير عليك زخم ما ميزت اني منو بيهم
عناد: يا بنت الناس انتي مسودنة اكو وحدة تراسل خطيبها اول مرة هذا اسلوبها
حرمان: ويييع ومصدك روحك خطيبي من شوكت عيني صرت خطيبي اصلا الزواج باطل
عناد: وشلون بوية باطل
حرمان: لان اني ما موافقة تقبل تزوج وحدة ما تريدك
عناد: وما كلتي هذا الحجي مساع وين جنتي ضامه هاللسان
حرمان: ع فكرة ترى اني مجبورة عليك زين لا تعتقد وافقت لاني ميته بيك بس لان اهلي جبروني
عناد
ماعرف بشنو جنت احس بس اجاني واهس اضوجها واطفرها
عناد: يلا عادي احساس متبادل انا هم مجبور
حرمان: وانت شجابرك يحظي
عناد: ولله بصراحة كسر خاطري صاحبي كلت اخلصه من البلوة العنده
حرمان: اذا اني بلوة انت شنو
عناد: نعمة... نعمة دزها ربج الج اكو واحد يدفر النعمة
حرمان: راح نشوف الا اخليك انت الي ترجعني لاهلي وتكلهم اخذو بتكم ما اريدها
عناد: يعني انتي هسه جاي تتحديني
حرمان: وانت منو حتى اتحداك اصلا ماتعني الي شي
عناد: ماشي يا حلوة اذا تردين لعب جهال ع كدج مستعد العب وياج بس ترى صبري مو طويل بوية ديري بالج
سدت المحادثة وراحت وانا اضحك عليها وع نفسي ما اعرف ليش ورطت روحي بهاي البلوة
جاهلة ويرادلها خلك طويييل
الله يساعدك ياعناد عالايام الجاية
حرمان
كعدت الصبح واني ما طايقة نفسي
ما اعرف شلون راح اتصرف ويا هذا
فكرت من اكله اني مغصوبة عليك يتركني بحالي
بس الظاهر لا ذمة ولا ضمير
شبيج يالخبلة صديق زياد متوقعة عنده ضمير
كمت من فراشي ورحت للحمام وبيتنا جان هدوء
طبعا هدوء لان العلة بالدوام
جان الوقت يمر بسرعة وعبالك حتى الساعات مستعجلة ع زواجي
اجت فاطمة اختي النا حتى تساعدني بالتجهيزات عشتو وبحكم هي قريبة علينا
اما باقي خواتي التزاماتهن وبيوتهن ما سمحتلهن يجن
فاطمة: يعني شلون بيج راح تبقين معاندة
حرمان: ولا الي نية ارضى مو نفذتوا الي ابالكم خلص خلوني براحتي
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
