فهد
طلعت من الغرفة وما طايق روحي
هاي المرة راح تسودني صارلها عمر وياي ولا عرفت طبعي ولا غيرت اطباعها
تحشر روحها بكلشي وما تفوت من يمها ذبانة اذا ما گصتها
ما عدها غير شحجه فلان وشكال علان وفلانة تطلگت وفلتانه تزوجت
تموت ع الطلايب
اوووف ربي اطيني الصبر
ام راضي: جا شمالك تمشي وتحجي ويه روحك تسودنت
التفتت عليها وحجيت: وما بقالي شي واتسودن حبوبة من وره البلوة فوك
وفاء: ع كيفك ويه روحك خويه فدوة اغديلك جا انت ما تعرف مرتك وسوالفها
فهد: انا اريدن اتوبها من هاي السوالف جا ما تصير سالفة اذا ما دخلت خشمها بيها ولا نكول يمها حرف اذا ما لكينا عد سابع جار
وفاء: خايب خوية شايفلك ابو طبع يجوز من طبعه ليش اتعب روحك يا بعد بيتي
فهد: الله كريم يلله انا طالع عدي شغل
وفاء: الله وياك يبعد بيتي
طلع فهد ونزلت خنساء
خنساء: راح فهد
وفاء: اي راح شمالج نازله مثل الحرامي شعدج
گعدت گبالي وهي تضحك: يااا شمالني حرامي مامش شي لا تخافين جا انا اخيتج ما تكليلي شمالج ويه رجلج عبن كلت يمكن اكدر اساعدنج
ام راضي: خايبه لده حتى لده وغسل لهالحلگ توه غاسل حظج فوك جا مابين بيج
خنساء: شبيج حبوبه عليه جا شحجيت انا فوگن ما گلت بت عمي وحماتي وبحسبة اختي واساعدنها
ام راضي: تساعدينها لو ترحين تسولفين هنا وهناك يبخور السوك
خنساء: ياااع انا حبوبة بخور السوك
شالت حبوبتي عصاتها وتريد تطگ خنساء وهذيج كامت وشردت المطبخ كبل لا حبوبتي تنوشها
ام راضي: لابوج لابو العرفني بيج مو بت فلك طالعة ع امج
اندارت عليه وحجت: وانتي فاكه حلگج وتتمضحكين جا شمالج ويه زلمتج
وفاء: انا شمالني ويه زلمتي لو هو شماله وياي
ام راضي: انا ادري بولدي ما تطلع منهم العيبة انتن الما تنجرعن
وفاء: هاي انتي حبوبة دومج ذابة الصوج بينه لو نجيج مزورگين واحفادج ما تحطين بيهم لولة
ام راضي: جا فدوة اغديلهم زلم ما بيهم ردي
وفاء: جا خوش انا مالي غير عناد هو ليشكيني
عناد: شبيج يام حسن ياهو وياج
وفاء: يا بعد روحي اخوي الطيب بذچره
گمت سلمت عليه وبسته
دنج ع حبوبتي وباس راسها: مساج الله بالخير حجيه
ام راضي: مساك عافيه
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
