تغدينا وخلصنا وخنساء عافت المواعين عليه وشردت
خلتني اني اغسلهم
جنت واكفة اغسل بالمواعين وادردم واغلط ع خنساء وافكر شلون اردلها هالحركة وماحسيت بالشخص الي جان واكف وراي
عناد: هششش إنتي
انداريت واني اشوفه واكف وراي ويأشرلي
حجيت باستغراب: اني
جان يأشرلي ويحجي بصوت ناصي وهو متنرفز: دخلي جوه
صحت بصوت عالي: هاي شبيك ليش هيج تحاجيني
خنزر عيونه عليه وهو بعده يأشر: دخلي اكلج
انتبهت للشخص الي واكف وراه وباوعت النفسي واني بدون حجاب ولا شي بس بعديش بعد ما عناد طلعت عيونه وهو يأشرلي واني صافنة بوجهه جني ثولة
دخلت بسرعة واني ادردم ويا نفسي وما راضية اكو احد يدخل الخطار من باب المطبخ
وكفت بالدرج واني اشوف عناد دخل الرجال للصالة وجان يسولف ويضحك ويا
معقولة عناد يدخل شخص غريب للصاله
فتحت عيوني ع وسعهن واني اشوف البنية الي دخلت وراهم جانت بنية سافرة لابسة بنطرون جينز وتيشيرت ابيض وفاتحة شعرها اشكر واصل لحد كتفها جانت البنية ملامحها اجنبية عيونها ملونة وبيضة وشعرها اشكر وجسمها رشيق يجنن
جنت صافنة اريد افتهم السالفة وما حسيت غير بالضربة الي اجتني من وره
التفتت لكيت خنساء واكفة وراية
حرمان: وجعه انشالله شبييج
خنساء: شعدج واكفة هنا جا والعباس اذا ما اكلن لعناد مرتك واكفة تسمع عليك انت وضيوفك ماا اطلع خنيسه
حرمان: لا تخافين حبيبتي التجسس ونقل الحجي هاي سوالفج مو سوالفي
شهكت بصوت عالي وهي متخصرتلي: شكصدج ولج اي طلعي طلعي لسانج خلي العالم المغشوشة بيج تعرفج حية وام لسانين
جنت اريد اجاوب ونزل فهد مبدل وكاشخ وعطره يمشي قبله من اشوف خنساء استخسر بيها واحد مثل فهد هي بالشرق وفهد بالغرب ماكو ولا رابط مشترك بينهم فرق السما عن الارض
فهد: اشششش شبيجن صوتجن وين واصل
خنساء: ما تسمع هاي شتكول
فهد: كافي اخنسن منا العالم يلا كل وحده الغرفتها ما اريد اشوفن وحدة واكفة هنا
حجيت بلكافة: فهد فهد هاي منو الشكرة الي كاعدة جوه
طفرت خنساء بسرعة: ييععع شكرة انوب الشكر عليه جا يومية ملفيلنا شكل للبيت
فهد: لا بشرفج عدنا وحدة شكره جوه
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
