نزلت جوه ولاكاني شاب بالبداية حسبالي عناد بس بعدين انتبهت شكله اضعف واقصر وملامحه انعم
يعني بالمختصر يشبه عناد بس ما يخوف مثله
شافني وشهك بصوت عالي ورجع خطوات ليوره
فهد: سلام قولا من رب الرحيم ياهي انتي منين طلعتي
حجيت بغباء: شبيك شايف جنية
فهد: الجنية ارحم...احجي انتي ياهي
ابتسمت ابتسامة غبية واني العب بحواجبي وحجيت: مرت عناد
فهد: هاااااا...لا يالله انتي مرت عناد
كال هيج وسمعنا صوت عناد اجه ومبين شكله توه كاعد من النوم
عناد: خييير شبي عناد من الصبح تهذري بأسمه
جان هذاك الثاني ساكت وبس يأشر بأتجاهي
شافني عناد وفتح عيونه يطرد النعاس
عناد: بسم الله الرحمن الرحيم ياخي جم مرة كايلك لا تدخل المجدايات للبيت
حجه هيج وهذاك الثاني فطس من الضحك
عناد: مال سطر اسكت خلي افتهم عليمن تضحك...........ولك فهيد شجاك احجي
حجه وصوته متقطع من الضحك: ولك يا مجادية هاي مرتك لا تكلي ام الصالون مطلعتها البارحة هيفاء وهبي وهسه تفاجأت
عناد:شنوو..منووو...منو هاي
فهد: شبيك مرتك مرتك
حرمان
تخصرت بأيدي وباوعتله بنظرة حقيرة وحجيت: هاي شبيك حبيبي معقولة معرفتني
حجه بعصبية: حبتج حية امشي ولي فوك ولا تنزلين الا وانتي حاطة حجاب ع راسج ولييي
جفلت من صوته وصعدت اركض
دخلت للغرفة واني حاطة ايدي ع كلبي
جريت نفس ورحت اباوع النفسي بالمراية
بصراحة ما ينلامون طالع شكلي قبيح وحقير بشكل
عناد
بقيت ساعة واكف يم الدرج وصافن ما جاي يدخل بعقلي الشفته
معقوله هاي اخت زياد
معقولة زياد لان يدري بأخته قبيحة ومحد ياخذها ورطني بيها
المشكلة هي مو بس مو حلوة مبين عقلها طكه ونص
ومو هي نفسها الي شفتها واكفة بالشباج
راسي راح ينفجر
جنت صافن وسمعت صوت حجي راضي
لا كملت بجيتك حجي
راضي: السلام عليكم
انداريت وانا احجي: وعليكم السلام هلا حجي
راضي: جا ليش ما تطي خبر تكول انا اجيت
عناد: حجي انا البارحة بليل وصلت للبيت وانت غبشا علينا من الصبح شوكت اطيك خبر بعد
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
