نام ع الجرباية يمي وجنت منطيته ظهري واسمع صوته بس
حسيت بي قريب
غمضت عيوني حيل وحاولت اكتم نفسي حتى ابين نفسي نايمة
فجأة ابتعد واندار ع الجهة الثانية وابتعد
جريت نفسي واحس اختنكت
كام من على الجرباية فجأة ورجعت غمضت عيوني بسرعة
سمعته فتح باب الكنتور طلعله فراش شمره بالكاع
واجه اخذ مخدته وهو يتأفأف
بعدها حط راسه ونام بالكاع
ارتاحيت وجريت نفس ونمت واني مطمأنة بعد ما كنت خايفة يخرب كل الي خططت اله بلحظة
عناد
كعدت الصبح وانا متكسر من نومة الكاع واسب بحظي وبالعيشة الي عايشها
كمت ع حيلي
باوعتلها نايمة براحة ورايحة بسابع نومة وانا مشتعل جدي بالكاع
اخذ الخاولي ع جتفي ورحت للحمام سبحت وطلعت
طلعتلي ملابس وبدلت
مشطت ع المراية ورشيت عطر
جان سويجي ع الميز الي يم الجرباية
رحت اريد اجيبه وفجأة اجت عيني عليها
لفت انتباهي شي
جان ردنها مرفوع وطالعة ايدها
ايدها بيضه كلش عبالك كطن عكس وجها وجفوفها
تقربت عليها شوي شوي
مديت ايدي ع وجها ومسحت وجها بيدي ع الخفيف
تغيرت تعابير وجها وشلت ايدي بسرعة لا تكعد
وانصدمت باللي شفته
طلع بيدي شي اسمر عبالك كريم
يعني هي مو هذا شكلها وجانت تضحك علينا
عضيت شفتي من العصبية وانا احاول اسيطر ع روحي لا اكعدها واسحلها كدام العالم ع هاي الدكة الناقصة
بس بسيطة يا حرمان بعدج ما عرفتي عناد ياهو
اخذت السويج وطلعت وبعدني بقمة عصبيتي
نزلت الدرج بسرعة ولاكاني فهد
فهد: اصباح الخير شبيك من الصبح متعارك بالحلم
عفته ورحت وما رديت عليه بشي
فهد وهو يهز بأيده: الحمدلله والشكر هالرجال هو تزوج وهو تسودن ولو ما لومه لو متزوج بيداء اشرفله مية مرة من هالغراب العده
عناد
طلعت امشي بالسيارة وما اعرف وين رايح
جان عقلي شارد وفكري مشغول بالمصيبة العدي بالبيت ليش هيج تسوي وشني غايتها
بسيطة يا حرمان اذا عبالج انتي لوتية ومحد يكدرلج فأنا الوت منج واذا جان الغرض من الي تسوينا اطلكج وتردين لاهلج نجوم السما اكربلج
راح اوريج الما شافته مرة وانا عناد
فريت سيارتي ورجعت للبيت
دخلت وشمرت سويجي وتلفوني وكعدت وانا محتر وتعبان
شلت تلفوني ودكيت ع حجي راضي
عناد: الو
حجي راضي: خييير منك من الشيطان اليوم ذاجرني
عناد: رايدك بحجاية اريدك تجي بعد شوي
أنت تقرأ
هديـــتي... أهديتــها قلبــي
Romanceعانقيني. لملمي شتاتي أنا في حظرة أحضانكِ طفلٌ صغير.. قد وجد بين عينيكِ الأمان جرديني من احزاني ومتاهاتي فأنتي السبيل الوحيد للخلاص من واقعي الضحل (هديتي.. أهديتها قلبي) by مروة المحمداوي i...
