𝚈𝚘𝚞 𝙰𝚛𝚎 𝙼𝚢 𝙳𝚊𝚒𝚜𝚢 🌼

Dream 1🌼

මේ ලෝකේ ඔයා ආසම දේවල් මොනාද.
ගොඩක් නැත්තන් එකක් හරි.
මොනාටද ආස.

මම ආසයි හීන දකින්න.
හීන දකින්න නං මම නිදාගන්න ඕනේ.
නිදාගන්න නං ඒකට හරියන්න පරිසරය හැදිලා තියෙන්න ඕනේ.

ඒ මොන වගේද ?

කිසිම සද්දයක් නැති ඉදිකට්ටක් වැටුනත් ඇහෙන තරම් නිශ්ශබ්ද බවක්,

හීනි එලියක් එක්ක මට මාව විතරක් පේන කලුවරක්,

එහෙමත් නැත්තන් කෑලි කැපෙන කලුවරක්,

හීතල හුලගක් එක්ක ගස් හෙලවෙන සද්දේ,

ගුලි වෙලා ඉන්න සිනිදුම සිනිදු රෙද්දක්,

අහස පේන්න හාන්සි වෙලා ඉන්න පුලුවන් නිදාගන්න තැනක්,

හද, තරු,

උසම උස ජනේලයක්,

ඒත් මදියි නම් මොර සූරන් වැස්සක්,

අකුණු වල එලිය,

ගොරවන සද්දේ,

වැහි බින්දු වහලට වැටෙන සද්දේ,

කොටින්ම කිව්වොත් මම ආස අඳුරට,
තනිකමට.

ඒ ඇයි ??

මිනිස්සු එක්ක හිටියා කියලා මොනවද ලැබෙන්නේ.හිත් රිදීම් වේදනාවල් විතරක් මිසක්.
ඉතින් මම ආසම තනියම ඉන්න.