𝚈𝚘𝚞 𝙰𝚛𝚎 𝙼𝚢 𝙳𝚊𝚒𝚜𝚢 🌼

Dream 4 🌼

ඒ මනුස්සයා ගියාට පස්සේ මම එහෙම්ම බිම දිගේ මල් යාය පහු කරන් ගිහින් ගහක් මුල ඉදගත්තා.

ගහට හේත්තු වෙලා මම කල්පනා කලේ මොකද්ද මේ වෙන්නේ කියලා.
මේක හීනයක් නං මට ඇහැරෙන්න නං ඕනේ නෑ මේ හීනෙන්.
මොකද මගේ ජීවිතේ ලස්සන හීනේ ඇතුළෙ විතරයි කියලා දන්න නිසා.

ඒත් ඇත්තටම මේක හීනයක්ද.
මම මගේ අත හයියෙන් කොනිත්තගත්තා.

ආව්..රිදුනා..

හීනයක් නං දැන් මම ඇහැරෙන්න එපැයි.

ඇස් දෙක කරකෝ කරකෝ බැලුවේ මගේ වටේ තියෙන මොකක්මහරි දෙයක් වෙනස් වෙලාද බලන්න..

ම්ම්ම්ම්ම් ම්ම්ම් නෑ..
මගේ ඉස්සරහින් තියෙන ඩේසි යාය තාම එහෙම්මමයි..මගේ දෙපැත්තෙන් තියෙන ඝන කැලෑව එහෙම්මමයි...
මම ආව අඩි පාරත් එහෙම්මමයි.

ආහ්හ්ම්ම්..

උගුර පාදපු සද්දෙට මම ගැස්සුනා..

මොකාද ඒ පා...

කියලා ඉවර වෙන්න කලින් ඒ දැක්ක රූපෙට මම වශී උනා කිව්වොත් හරි.

නුඹ...

ම..මං..

ඒ මනුස්සයා මං දිහා බලන් හිටියෙ  කන්න වගේ..ඒ වෙලාවෙයි මතක් උනේ මගේ ඇදුම්...

අ..අහක බලාගන්න..මොනාද බලන්නේ ආ..

ආ..මා සිතා මතා බැලුවේ නෑ..සමාවෙන්න සමාවෙන්න..
නමුත් නුඹේ බස් වහර මට පුරුදු නැහැ..

මේ මම කතා කරන වීදිහ..
ඔහොම උඩ බලන් ඉන්නේ නැතුව මට මොකක් හරි දෙනවද..

කු..කුමක්ද..

හැරෙන්න එපා කිව්වනේ..අහක බලාගන්න..
මට මගේ ඇග වහගන්න මොකක් හරි දෙන්න කියලා කිව්වේ...