POSSESSIVE 5: Calyx Vargaz

CHAPTER 8

CHAPTER 8

NAIILANG na nag-iwas ng tingin si Etheyl sa matiim na titig sa kaniya ni Calyx habang tumitingin siya sa naggagandang bulaklak sa loob ng isang malaking green house. Ayaw niyang salubungin ang mga titig ni Calyx dahil kaagad na bumibilis ang tibok ng puso niya at ayaw niyang maramdaman 'yon.

Hindi iyon makabubuti sa kanya.

"Nakatanggap ka na ba ng bulaklak?" Biglang basag ni Calyx sa katahimikan na bumabalot sa kanilang dalawa.

Huminga siya ng malalim bago sumagot. "Oo," sagot niya habang hinahawakan ang magagadang bulaklak sa paligid niya. "High school ako noon. Bigay ng boyfriend ko."

"Boyfriend?" May talim ang boses nito na ikinakunot ng nuo niya. "Hindi kaya ang bata mo pa para mag boyfriend? High school? Really?"

Natatawang binalingan niya ang binata. "Ano naman ngayong kung bata pa ako? High school palang ay may boyfriend na ako. Wala namang masama roon kasi alam ko naman ang tama sa mali at pinagbutihan ko naman ang pag-aaral ko. Vincent was my first boyfriend. Nag-break kami after college graduation."

"Oh." He sounded reliev. "Bakit kayo naghiwalay?" Tanong nito kapagkuwan.

Tumalikod siya kay Calyx bago sumagot para hindi nito makita ang lungkot sa mukha niya. "Kasi may nangyari tapos kasalanan ko. Kaya naghiwalay kami."

"Kung ganoon hindi ka niya mahal."

Nakakunot ang nuong hinarap niya ang binata. "At sino ka para sabihin sakin 'yon?"

"I'm Calyx Vargaz and I can say whatever I want because we have freedom of speech." Bumuntong-hinga ito saka namulsa at matiim siyang tinitigan. "At saka nasabi ko 'yon dahil kung talagang mahal ka niya, hindi ka niya iiwan kahit ano pa man ang mangyari." Nginitian siya nito kapagkuwan. "Anyways, what's your favorite food?" Pag-iiba nito ng usapan na ikinahinga siya ng maluwang. "Sabi nila, malalaman mo raw ang gusto ng isang babae sa pamamagitan ng pagkain na paborito niyang kainin."

Inungusan siya nito. "At saan mo naman nakuha 'yan?"

Ngumisi ito. "Kay Mr. Suave. Doon ko nalaman 'yon."

Mahina siyang natawa. "Inaasahan ko na sasabihin mong sa isang article mo 'yon nabasa pero kay Mr. Suave talaga?" Umiling-iling siya habang nakangiti pa rin. "Ewan ko sayo, Calyx. Hindi ka matinong kausap."

"Matino ako," depensa nito sa sarili habang nakapamulsa pa rin at nakatingin sa kanya.

"Akala ko ba hindi ka nagsisinungaling?" Usisa niya sa binata habang nakataas ang kilay niya. "Nagsinungaling ka palang ngayon, e."

Tumaas ang sulok ng labi nito. "Matino akong kausap. Pero bilang isang lalaki? No. Hindi ako matino."

"Buti inamin mo." Tinaasan niya ito ng kilay. "Hindi ka naman kasi talaga matino."

Mahina itong tumawa. "Gwapo naman ako."

Napapantastikuhang napatitig siya rito. "Anong kinalaman no'n sa pinag-uusapan natin?" Nagtatakang tanong ni Etheyl habang nakatingin sa binata.

"Because it's a fact," ani Calyx saka kinindatan siya na ikinabilis ng tibok ng puso niya.

Nag-iwas siya ng tingin saka ibinaling ang mga mata sa ibat-ibang klase ng rosas na nasa kanang bahagi ng green house. "Ang gaganda naman ng mga 'yon."

"Yeah. Agreed."

Bumaling siya sa binata. Parang tumalon ang puso niya ng mahuli itong titig na titig sa kaniya.

Mas bumilis pa lalo ang tibok ng puso niya ng maglakad ang binata palapit sa kaniya kapagkuwan ay tumigil lang ito ng ilang dangkal nalang ang layo ng mga katawan nila.