Minsan akong nanaginip ng masama
Mga halimaw sa ilalim ng kama
Ito'y natanim sa isipan kong bata
Ako ay hinila nang walang kawala
Gabi-gabing katabi ang aking inay
Nagdarasal din muna bago humimlay
Sa higaang mayroong espasyong sapat
Upang mula sa lupa ito'y umangat
Sa oras ng pagkahimbing
Ang bangungot ay dumating
Buong lakas na pumiglas
Ngunit 'di na makakalas
May kukong kumakaluskos
Kamay na tila nalapnos
Mula sa silong ng kama
Ang dumukot sa'king paa
Nalulunos na sumaklolo kay ina
Subalit nagkawali ang kanyang tenga
Pinuwersang bumulalas ng malakas
Walang katiting na boses ang lumabas
Sumingaw ang pawis, pagmulat ng mata
Matingkad pa sa matingkad ang tumambad
Naabutang mag-isa na lang sa kama
Hindi na uminat, bumangon kaagad
BINABASA MO ANG
Sa Silong ng Katre
PoesíaHi reader! "Sa Silong ng Katre" is a 10-part traditional poem with over 50 stanzas that tells an epic story of a child to his adulthood. More Filipino poems were added turning this book into a poetry collection. Enjoy!
