Gabi'y sumapit, nabalisa ang isip
Itinakda muling tumikim ng idlip
Buhok ni ina'y pinulupot sa kamay
Para 'pag hinila'y 'di mahihiwalay
Sakaling magising muli sa bangungot
Paumanhin kay inang masasabunot
Ngunit sigurado ako't 'di na takot
Pagtulong saki'y 'di niya ipagdaramot
Buhol sa isipa'y tuluyang nawala
Kathang halimaw ay 'di na nanggambala
Paggising sa umaga'y 'di na nagtaka
Malamang nalamangan ko lamang sila
Magmula noo'y gabi'y naging payapa
'Pag handang matulog ay nakakapit na
Daliri'y binibilang ang bawat hibla
Panatag ang loob sa buhok ni ina
BINABASA MO ANG
Sa Silong ng Katre
PoesieHi reader! "Sa Silong ng Katre" is a 10-part traditional poem with over 50 stanzas that tells an epic story of a child to his adulthood. More Filipino poems were added turning this book into a poetry collection. Enjoy!
