Panglaw ang namasyal sa dalampasigan
Humati sa lupa't dagat ay namasdan
Hamog pala'y may natatakpang gusali
Nang inaninag ay isang toreng pundi
Makaakyat sana kung nakahawak pa
Sa mahaba't itim na buhok ng ina
Inilabas ang sariling-habing sutla
Ikinawit sa bunganga ng bintana
Kapagdakang ikukubli ang sarili
Sa taas ng parolang walang sindi
Pagyapak sa payak na silid ng tore
Pumapagitna ang isang lumang katre
Kailan ba huling nakapagpahinga
Maari bang ihiga ang iniinda
Magkano ba ang kapiranggot na idlip
Nang baka magising na sa panaginip
BINABASA MO ANG
Sa Silong ng Katre
PoesíaHi reader! "Sa Silong ng Katre" is a 10-part traditional poem with over 50 stanzas that tells an epic story of a child to his adulthood. More Filipino poems were added turning this book into a poetry collection. Enjoy!
