Mabibilang mo ba ang mga parirala
Ang mga pangako at kataga
Na isinumbat mo tuwing ikay naitanong
"Ano ba ang pangarap mo?"
Marahil hindi nito matutumbasan
Ang pag-urong sulong ng along
Patuloy na humahamon sayo
At pagsalungat mo sa agos nito
Madalas iniisip natin na iisa lang ang daan
Iisa lang ang direksyon na pupuntahan (Pataas)
Ngunit may pasikot-sikot
May paikot-ikot
May pakurba, may palinya
Minsan babalik ka pa nga
Minsan mawawala ka
at di alam kung pa'no ulit magsisimula
Kahit maliit, mangarap ka pa rin
Hindi ba't sa unang tingin
Mumunti lang naman din
Ang mga nakasabit na bituin
Nakapaligid sa'yo ang mga bituin
Kailangan mo lang silang hanapin
Nakapalibot sila sayo
na parang mga alitaptap sa dilim
Iilan lang ang nakakahuli
Dulot ng pagpupunyagi
Ang iba'y abot kamay na
Ngunit papakawalan pa
Iilan lang ang di nagpapalinlang
Ang di nagpapapatid sa kasarinlan
Iilan lang ang kumakapit sa balang araw
ang nagpapatuloy nang hindi naliligaw
Maging ehemplo ka ng pag-asa
na sisibol sa bawat paghikbi
Tulad ng pagningning ng mga tala
Hindi natitinag sa gabi
Harangan ka man ng 'yong siphayo
Patuloy ka lang sa pag-usad
Di maipagkakaila ang mga sakripisyo
Sa pag abot ng iyong hinahangad
Anumang pangarap o propesyon
Malaki, maliit, matulin o malayo
Darating ang daluyong ng along
Hahatid sayo sa balang araw mo
BINABASA MO ANG
Sa Silong ng Katre
PoetryHi reader! "Sa Silong ng Katre" is a 10-part traditional poem with over 50 stanzas that tells an epic story of a child to his adulthood. More Filipino poems were added turning this book into a poetry collection. Enjoy!
