Ano ang diona?
Ang diona ay isa mga katutubong anyo ng tula sa Pilipinas, bago pa man dumating ang mga Kastila. Kabilang ito sa mga anyong tinatawag na "awit" sapagkat karaniwan itong binibigkas nang pakanta.
Ang diona ay binubuo ng iisang saknong na may tatlong taludtod, pipituhing pantig bawat taludtod, at isahang tugma. Bagamat karaniwang ukol sa pag-ibig ang mga sinaunang diona, marami na ring manunulat ang sumusulat ng diona tungkol sa sari-saring tema.
Ikaw lang ang hahagkan
Ang mukhang pagmamasdan
Boses na papakinggan
Ilapit mo 'yong bibig
Sakin lamang ang titig
Tikman mo ang pag-ibig
Kapiling muli kita
At pagkusot ng mata
Guni-guni lang pala
Ang aking adhikain
Ay hindi na hikain
Para ika'y makain
Di naman ako adik
Liban pag nasasabik
Sa iyong mga halik
Wala rin namang piging
Ngunit tuwing paggising
Ba't tila nakapiring
May itatanong ako
Sinong pipiliin mo
Ako, ako o ako?
Tanaw sa alapaap
Nagkukumpulang ulap
Ikaw pa rin ang hanap
Nagdadalawang-isip
Kung Ito'y kathang-isip
O pawang panaginip
Nagbabagang balita
Lampas tao ang baha
Dito sakin ligtas ka
Sa paglinya ng tala
Sa pagpihit ng tadhana
Malilimot din kita
Kunwari nandito ka
Kunwari masaya pa
Kunwari lang, hindi ba?
Binibilang ang hakbang
Naglalakwatsa lamang
Sa'n? Sa'n nga ba...nagkulang?
Handa akong magpatalo
kung ikaw ang kalaro
Kahit baligtarin panalo
Gumuho man ang mundo
Tadhana ma'y magbago
Sa iyo lamang ako
BINABASA MO ANG
Sa Silong ng Katre
PoetryHi reader! "Sa Silong ng Katre" is a 10-part traditional poem with over 50 stanzas that tells an epic story of a child to his adulthood. More Filipino poems were added turning this book into a poetry collection. Enjoy!
