#أبن الاجاويد

part 6

                                 ﷽

بقلمي: ZahraaAlk2
_____________________

التفتت على صوت امي ، وين وليتي ، جيبي عاد اجت عليه بسرعه جرته كتيتيهن كلهن مو ويله ارتاحيتي ..

عوجت حلكي ضايجه ماحجيت شي بس سلمت مالحكت تعلميني بيج امشي للمطبخ ساعديهن يله

وانتي ولي لتين لاتخليني امد ايدي

عفتها ومشت ضايجه كل شوي التفت عليها راحت هيه يم عمي  ، واني دخلت للمطبخ ..

احمد ابن عمي جعفر مكابل مينا وكاعد ..

هيه تثرب زلاطه هو ياكل خيار ويسولف وياها ..
هيه بس تهز راسها بمممم او اااي ..

تالي بزعت وكامت نكتت التخته حيل وراخت تصب بالمواعين هو هم اخذله ركن وكف ياخذ وينطي وياها ويسال وهيه ترد  ..

شكد عمرج ؟  ترد ماحاسبه

شمخلصه، تجرها بملل معهددددد

شتحبين تاكلين ؟ . هالموجود

شنو هوايتج ؟ رفعت راسها عليه ردت بنترت مااحب الغي هووواي

عافته ومشت يم امه وكفت

هو سبحان الله عبالك عنده قله فهم لو الاستيعاب مالته شوي بطيئ ، ضل يرمش بعينه واكف يباوعلها

شالت صينيه وركض عليها عنج عنج انا اشيلها ، اخذها منها مبتسم عبالك منطيته الا وسكار

راح خلاها جدام ابو ويقسم بالمواعين ابو حاجه ، شعجب حمودي شو شاد حزامك ويه امك واخواتك وتساعد

ضحكت عذراء ياريت مينا يوميه هنا حتى مايخلينه نشيل الورد من الكاع وندلل بجالها ..

ابو باوع لمينا تعاي هنا يمي عمي تعاي راحت كعدت يمه ، جرها وحظنها بتك ايد ويبوس براسها ،

كعدنه على نعمه لو صارت سم من وره ابنه احمد ، والله لطش لطشه حتى زمال يفتهم هذا البغل خله عينه على مينا ..

يخلون لحمه جدامه هو ، هو شيسوي يخليها كبال مينا ويقدم الها المواعين ليم ايدها ..

اختنكت بالاكل من وراه ، نوب صبلها ماي يشربها بيده تدفعه هو لا لا اشربج ..

اني من يمي فلتت اعصابي اجيت اشمر الماعون بوجهه ، وامه وابو مكيفين بي ويضحكون ، التفتت على امي اشرلها ، ماجاي اتشوغين شلون لزك عليها وخري منها ..

امي دارت عينها بملل مني ، وكملت تاكل ..

كمت لحيلي ، كلت لحمدلله ..

محد رد اصلا بالهم مو يمي ، عينهم على بغلهم احمد ..

صحت مينااااا رفعت راسها ها هااا وين الحمام اريد اغسل ردت امهم على ايدج اليمنه يمه بهاي صفحه ..