#أبن الاجاويد

🍀البارت 52 🍀

               بقلمي: zahraaAlk
            ___________________

مينااا ..

رجعت من المستشفى دايخه ، وراسي هالكبر كثر مابجيت ، حظها مثلي مادوم فرحتها ا

بد ، رجعني لهيب ويه امه للبيت ، وصلنه ورجع بسرعه للمستشفى ..

تلكتنه فاطمه دخلتني جوه كالت اشربي شي وجهج اصفر ..

نطتني كلاص عصير ، حجت هاا بشري ..

ام لهيب تمسح بدموعها تكللها راح جن اخوج الله كاتبله يضل بلا ذريه ..

شربت العصير بارد...
حجت يعني طرحت شكد صارلهاا شو ماندري .

مرت اخوج هم بس السان ، بهل سوالف كلشي متفتهم صار اسابيع حامل مو دريانه بنفسها ..

خوله طلعت واكفه ورانه حجت طرحت مووو ابتسمت..

انداريت عليهاا من كل عقلها عود مبتسمه هاي ..

ردت فاطمه الي تحبل اليوم تحبل باجر ، يعني بيها امل ..

ضحكت اي عود الله كريم اذا حبلت ..

اني واكفه مارد ، اصلا هاي شرانيه غير اذا حجيت توز عيالي عليه امها واخواتها ..

فرت اديهاا جايبيلكم وحده بكد فرخ دجاج وتردوها تحبل وتخلف ، وحتى اذا خلفت منو كلكم تربي زين ، وهيه بلا تربيه ..

حجيت ليش شفتي عليهاا وطلعت بلا تربيه ..

حجت ياا انتي هنااا ولا شفتج دروحي اخدمي اخوي وبناته احسن مالي خلك ارد عليج ..

والله عيب عليج العالم كلها مقهوره بس انتي لاا شهل كلب الي عدج ..

انقهر عليمن على اختج فووك ماهجمت بيتي وعساها انشالله فتحت زيجهاا بوو زايد ، كون ولا شافت ريحه جاهل ..

شهكت يماااا منج شنو انتي ..

فاطمه ردتها عاب حاكج انشالله مسمومه ، ماشوفين الله معابيج انتي ومارزقج من حقارتج ..

تمالخت نوب هيه وفاطمه وام لهيب كاعده وتحجي يااا كافي ولجن ، بيا حال احنه ، هسه يجي لهيب ولجن دكاافي ...

عفتهن وطلعت شنو هاي ياربي شلون متحملتها لتين ، نوب واكفه وتتشمت ، لو منها مااطلع راسي من الغرفه بعد هاي سالفه ..

بس تذكرت خما كلها مثلج فاهيات ، بس دخلت لبيت عيالي ، ويطلع حزب نسوان كلهن يعرفن وعدهن علم ..

ياهي تشوفي وتكول ياااطرحت اختج اي هاي حووبه ...

والي تكول ماثبت بطنها ، هو باين بزر لهيب مايثبت بطن مره مو صوج اختنه ..

مارديت عليهن ، كلبي مجمر ، بس ما بيه حيل اتلاغه وياهن ...

صعدت للسويت شفت لارا كاعده يم سميه بالصاله  ، ويشاورن ، عقدت حواجبي هاي شجابها لهنا شصعدها ..