#أبن الاجاويد

💭البارت 11💭

مسااااء الورد عليكم

#قصةابن_الاجاويد

بقلمي: ZahraaAlk2
________________________•

كمت على طولي اشوف خيبه الامل ، ياربي يارب دعيتك كون تاخذ عمي باقرب وقت وبابشع طريقه ، كون مايشوف راحه ابد ، جنه بدلال وخير جابنه للضيم بايده وجلب بينه فوكاها عبالك احنه شامرين نفسنه عليه .. نوب هو يمن بينه وعبالك مسوي فضل علينه ..

ضليت للفجر ماتحركت من مكاني ،
انزعت كبال شباك زراعه ، حتى رجليه خدرن من الوكفه ،

جريت ميز وخليت عليه مخده وكعدت ، بالي يم مينا متت عليها ، باجر اذا طلعت منو يكول احمد البغل مموجود لو عمي مايطلع بوجهي لو امي تخليني اطلع بكيفي ..

صوت سوالفهم عاليه والاكل والقواطي تركع ، امي ماشفتها رجعت باين راح تبات يمهم ، شبعت قهر حتى عرس مثل الاوادم ماحصلتي يامينا ، عمتي اكيد مانطوها خبر ولا كلولها ..

خفت لايطلع زواجها مثل زواج غفران وايه ، هم فتره وتطلك ، الثاني يوم واني عيوني ماغمضت اجيت اتخبل من تفكير ، احس عيوني يبست من سهر ، صارت نار جمره ،

صبح شفت امي طلعت من بيت عمتي ام احمد ويله رجعت اني مشيت تمدتت انام ..

غمضت عيوني رغم عندي وجع راسي ، ويصل عليه من التفكير والسهر ، شحالج هسه يامينا شعملو بيج وين صفه بيج الدهر ،  

صح اني انضربت وتاذيت بس مو بكدها ، هيه تدمرت ، حياتها كلها تحطمت مينا فقره وتخاف مابيدها بس البجي ..

ماتعرف تعارك لو تضرب لو تعاند ، لو معاندتهم لو معاركتهم جان شالو سالفه زواج من بالهم لو غيرو رايهم شوي ..

بس اذا نجي للواقع هذا كلامي ماله اي صحه ، ليش شنو تكدر تسوي مثلا ، اذا امي راضيه وعمي مكيف واحمد طاير ، مدام اتفقو هالثلاثه ، هيه فقيره شبيدها مثلا ..

ضليت يومين احوص اريد اروح امشي الها ، طلعت لاامي احجي وياها واحاول اقنعها ، كالت روحي افتحي الباب اذا بيج خير  ..

عمج قافل الباب من وراج ومن وره عمايلج ، وموكف كاظم وحيو طول اليوم بالباب  ،

اني نفسي مايقبل اخطي خطوه ،

خليتها بكلبي وسكتت اتحلف بيهم ..

زين قنعي يروح يكمل نقل مالتي مال المدرسه مو متت من حصره ..

التفتت علي لا والله هم الج نيه بعد تكملين دراسه ..

ليش ربي وحد مثلا مو حلم بابا اتخرج وادخل كليه ..
هاي بايام ابوج من جنتي جاره عدل هسه زمن عمج وجاي تعنفصين عليه ..

خلي يشمرني على عمتي ماجابرته بيه ترى ..

شوفي شلون انتي مو ادميه ، يشمرج على عمتج وعمج رضا باي صفه شنو همه اهلج لو خلفوج ونسوج ..