#أبن الاجاويد

🌺 البارت 20 🌺

#قصةابن_الاجاويد

بقلمي: ZahraaAlk2
--
في الحياة قد تخسر حلماً وقد تتنازل عن أمنية لكن يجب ألا تخسر نفسك ابداً.

مدت راسها تشوف ، مااشفتي شعدهم هناا ،

لا والله هو على وكفته هاي بنص حديقه يراقب بالبيت ، ويأشرلهم تعالو ادخلو ..

خاف جاي يسهرون ولج ثوله ، وانتي زبكتي من يمج ، وكمتي تتخيلين ...

ماعرف شمدريني لعد ليش يتختلون ..

مو هاي واكفين يم عمج ماكو شي ..

مادري كلبي قابضني ، شبيهم متوترين ، مو على بعضهم ..

هيه هم ممطمنه جنها ، ضلت واكفه تباوع ماكو شي يسولفون ، وكل شوي يندارون لجهه المخزن ،  وعمي متوتر ، ويعدل بقميصه من وره  زين ،  وكاظم كل شوي يرفع بنطرونه ليفوك ويحوص ..

كالت طاح حظج عبالي اكو شي ، امشي اصعدي انخدمي فززتيني اجه كلبي يوكف ،

وكفته ممريحه لعمي والله اعرفه ..

انتي الي كعدتج بهل وكت ممريحه لو يش مانايمه ولج ..

ليش هو الي يعيش هنا اله واهس للنوم ، على ساعه يتخبل علينه رجلج  ..

امشي اصعدي نامي لايجي ويلكانه هنا ومن صدك تصير ليله مصخمه فوكانه ..

دفعتني تمشيني كوه  ، واني اريد اضل اراقب واشوف ..

حجيت عود صدك راح تنامين وتامنين ولا كأنو اكو شي ..

يومين وتبين قابل شكو امشي اصعدي ، دفعتني للدرج وهيه توجهت لغرفتها تتأفاف ..

راحت تنام ، واني صعدت فوك ، دخلت واتجهت للشباك ، همه راحو وسد الباب وراهم ..

مرتضى مد راسه يجي ويه عمي ، انتبهت اكو شي بخصره ، جفلت واني اميزه ، هذا سلاح ..

اي والله مسدس ، لزمت صدري يمه اسم الله عدهم سلاح شيسون بي بهل اليل ..

عمي هز راسه ويطب على جتف مرتضى ، اخو لمرتضى سحبه ومشوو ..

عمي ضل يحوص سد باب وراح للمخزن  بهدوء ، الغريب اثنين ماعرفهم ولباقي مرتضى واخو و كاظم ،

حيو مابينهم ماموجود ، هذا زاد خوفي وشكي ، حيو وين ..

لو موجود جان كدرت ابوك السانه ، لو اخذ منه كلمه عاد ، متت من الفضول ، حتى راسي صدع من تفكير ،

كل شوي تخطر على بالي فكره ماعده واستنتج بكيفي ، لو احلل ، بس ماطخت براسي ابد ،

ضليت للفجر انطر ،  عمي دخل ينام واني واكفه ، شوي ونمت من تعب ، صبح من كعدت مشيت اغسل وجهي ..

من جيت انزل ،  استغربت من سمعت صوت عمي ، هذا عمي موجود ، مو عادته يبقه بالبيت ،  لكيته متعارك هو وامي ..