#أبن الاجاويد

🥀البارت 13🥀

مسااء الورد🥀

#قصةابن_الاجاويد

بقلمي: ZahraaAlk2
🥀🥀🥀🥀🥀🥀🥀🥀
______________________√

دخيلك ربي شبيها هاي المسكينه ، تعجبت جيتهن هناا خير شجابهن هنا ، نوب راسي افتر فرر ، كعدت بالارض دايخه خاف شفت شي غلط لو متوهمه ، اكيد متوهمه لا شنو متوهمه والله مره لابسه عبا وياها بنت ، امبينه صغيره من جسمها و لبست الجبه مالتها ناعمه ..

بس خطيه شبيها تمشي كوه ، معقوله مريضه ، واذا مريضه شعدها هنا ، قابل عمي دكتور ، شو هو مطي ، ويرادله دكتور يعالجه من العقد الي عدها عود سيد بعد تيزي ..

تذكرت يااا ، هو عمي مو سيد ويعرفو هنا عود سيد ، جوز جايات ياخذن خيره منه لو رقيه زعمن ، خرب لو بس اعرف راح اموت ، كلت بس تجي امي اكللها ..

امي للعصر ويله اجت منتهيه من تعب ، والوجه مورم من القهر ، بس دخلت شفت حالتها خنست ،  ماحجيت جن ناويه اسولفلها بس باين ماترد تفك حلكها ، ولا تسمع شي ..

عمي المغرب لم حبايبه بالحديقه ، وخله حيو يعمر النراكيل ويحظرهن ، غلس على سالفه كرار كلش ولا عبالك يمه سالفه ولا ابن اخو ..

حتى مرتضى يتهرب من امي ، كل ماتروح لمكان شغله ، تريد يساعدها ماتلكاه ، اجو كلهم ، بس دخلو جانت ويه كاظم جنطه ، اخذها منه عمي ودخلها للصاله كوه شايلها ،

امي طلعت تريد تحجي ويه مرتظى ، كللها بس طلعين وتحجين وياه اكسر رجلج بعلي ، انجبي واكعدي ، ابنج عرج ميطكه وهذا جزاته ..

دخلت للبيت مو عصبيه ، لا تفور تريد تملخه ..

لل١ همه سهرانين حيو فرش بالحديقه منادر ومخاد ، مرتظى تمدد بالحديقه ينركل ، وعمي بصفه ، سم انشالله بطنكم ..

حيو واكف فوك راسهم يخدم بيهم ، صار ساعات على هاي الوكفه ، عفيه خلك ونوب الكرامه صفر ، شنو هذول اهل الوصخ واخدمهم ..

مدري شلون وكعت منه جمره من الطاسه على رجل مرتظى ، عاط بيه من عمه لعينك يالرعن ماتشوف .. هفه دفره شوي ويوكع على صفحته ،

عمي والبقيه ضحكو عليه ، عمي كله درةح منا روح لاخلفه عليك حركت الرجال غير تصحصح شبيك ، مشه من يمهم مقهور وضايج ..

فريت ايدي ، شفتهم بدو يغفون بالحديقه ، وتمددو ينامون بيها ، نزلت اشوف الي بالصاله شنوو ، استغليت همه انخمدو ..

نزلت واني اتلفت ، دخلت للصاله ضلمه ، ماشغلت الضوه ،خفت لايحسون على الضوه صاله مشتغل ، بديت اتلمس بالضلمه ادور ..

بالربع ساعه واني اهبد ، دست على شي وكعت على ظهري مخترعه ، رجعت ليوره زحف خايفه خليت ايدي على حلكي حتى ماعيط ..

كمت لحيلي اريد اركض ، جلب برجلي وعتني ، عطت يماا ، خله ايده على حلكي شبيج هذا اناا حيوو ..