#أبن الاجاويد

🍥البارت 33 🍥

              بقلمي: ZahraaAlk2
          ــــــــــــــــــــــــــــــــــــــــــــــــ

كلت ماراح اخلص منه بعد هالعمله الخوفني ، يهز براسه ويسب بيه ، قطرات دم ترست الارض ، شلت كلينس من ميز وكعدت امسحت بالارض ، واباوعليه  ،

كعد على حافه الميز جر باكيت الكلينكس مني حيل ، يمسح بيده وينضف بيها ويغمض بعيونه معصب رفع عيونه يريد يملخني  ..

سمعت صوت سياره ، جريت العبا داس عليها حيل ، باوعتله بترجي ، بستر اخواتك لاتسويلي فضيحه ..

نزل عيونه عليه ساكت ، اندار باوع للباب جر نفس ، وخر رجله جريتها ولبستها كبل ، ابتعدت عنه كعدت على كرسي ، دخل امجد هو وشلال يسولف ، درت وجهي عليه شفته خله ايده بجيبه ، جر نفس وكام يعدل بنفسه ..

شال الظرف من الميز ، حاجاه امجد شلون اكل يلوك لحلكك ..

لا يمعود دك عليه لهيب يريدني ..

حاجاه شلال هاا خير خما اكو شي ..

لا يمعود باجر يلتحق ويريد المسدس الي اخذته الجديد ..

سلم وطلع ، اني حتى ريك مااكدر ابلع ، احس روحي جمدت ، شلال و امجد يحجون واني بس اهز راسي بأي مااحجي ..

مسويه نفسي اشتغل ، اريد بس يكضي الوكت داطلع ركض شارده شافوني متوتره وضايجه سألو شكو كتلهم عمتي مريضه وضل بالي ...

حاجاني شلال ارجعي للبيت يبه ، ماكو ضغط علينه ندبر نفسنه ، تكولي بالله ، وصدك للظهر شلت غراض وسلمت وطلع بسرعه ، امشي واتلفت وراي ، كل سياره تفوت من يمي افزز اريد ابجي ، والله كلت الا يعدمني بعد هالسالفه سويتها وياه ،

ضليت اكل بروحي شلون تجرأت شلون ضربته ، شلون هسه شسوي ، من عمه بعيني كون ، كله صوج لتين زنها براسي  ..

خليله حد وخليه حد ، هذا الحد عود راح يطيح حظي ..

دخلت للبيت بلا سلام بالي مو يمي ، حاجتني عمتي ، كتلها هاا  .

شبيج يمه ..

شكلتي عمه امان بي شي احد اجانه اكو شي ..

لا يمه بس سالتج ..

على شنو ..

تجين ويانه ..

وين ..

ام لهيب دازه عليه جنتها مسويه عمليه وناس راح تجي يمهم على العشه ، وتريد واحد وياها خطيه هم نوكفلها مثل ماوكفولنه ..

درت وجهي على لتين تسوي نفسها تقره ،بس اذانها يمنه ، شكو بيها عمه بس انا ماكدر تعبانه روحو انتو ،

يعني ماتجين يمه ..

لا عمه تعبانه،  عفتها ومشيت كبل للحمام ، سبحت اريد راسي يبرد ، احسه جمر ، وين ماخذجن الدرب يامينا ولتين ..