#أبن الاجاويد

🌙البارت 25 🌙

بقلمي: ZahraaAlk2

↴❥❥❥❥❥❥❥❥❥❥❥❥❥❥

صفنت ساكته ، باله شكوله هذا ، كعدت ارتب بالحجي وشنو اريد ، خاف اجفصلي بحجايه وياه ..

حجيت متوتره  ،  اليوم اجت مره للبيت وياه رجال راود يخطفون امان واذو اختي  ...

اي ..

سكتت مقهوره هذا شبي ، خايب ضني ..

كملي لتين ..

حجيت اي وعدتني تساعدني ..

شوكت ..

تضحك عليه انته يابن ناس شنوو ..

لا بس مااذكر يا وعد بيهم ذكريني يابنت ناس ..

باين دكيت على الانسان الغلط واستنجدت بالجهه الغلط ، فوك ماانته تشتغل بالدوله واجبك تحمينه من اجي ادك عليه وانطيك خبر ترد عليه(  بأي )

المطلوب مني لتين ..

دتعلب باعصابي انته ..

سكت يجر نفس .. بعدين حجه مرتهي ، رقمي نطيته الج مو العمتج يوم الي يصير شي مو عمتج ادك تحجيلي لان هنا يخيب ضني من اسمع صوت عمتج ،  انتي دكين عليه مثل هسه ،هاي شغله ..

وشغله ثانيه حظرو نفسكم باجر ادز سيارات تاخذكم لمكان امن ..

وين ..

لاسالين لتين ابد ..

شلون مأسال وين اكو واحد ينطي ركبته ومايعرف مصيره وين ..

نفس ماسلمتج مصيري بذيج الايام ومن اسال ماتردين ...

وحده بوحده يعني ..

لا بعدها ماصارت وحده بوحده ، بينه وعد وبينه دين ، والاثنين ماوفيتهن بعدني ، .. سد جهاز بوجهي وراح ..

حتى مانطاني مجال ارد لو استفسر ، باله هذا شتكله ، كعدت على جربايه صافنه اكول لعمتي لاا ، كليلها هو ماورطنه غير بس السكوت وعدم الكلام ، سمعت صوت ام احمد بره تبجي ..

طلعت ركض عليها شايله امان وتفرك اله وتبجي تكللهن مملوخ الولد ايده معتوته حيل الله لايوفقها نذله عساها بعزيز كلبها شلون نطاها كلبها تعت طفل هيج ..

حجيت عمه ترى اني عتيته من ايدها ردت اخذه  .

اسم الله عليج يمه عسه دعوتي بيها هالكح**

عمتي كعدت تسولفلها على صار ، كالتها جعفر ماراح يسكت والعباس ابو فاضل انا اعرفه ماراح يركد اذا مايسوي بيجن كارثه ..

هو كلي وحذرني اذا ماتنطنه الفلوس يسوي دم للركب حلف يسيح دم وحده بيجن بابشارع ..

حجيت عصبيه ، يروح ياخذ فلوسه من امي مو منه ، شيريد منه بعد ماكفاه والله لو الكه بيت عسا ماخرابه الا اخذ عمتي واختي ونطلع بس وين نولي ، ليش هو خله علينه شي ، حتى بيت ابونا باعه وين نهجم منه يعني ..