#أبن الاجاويد

🍯البارت 15🍯

صباح الخيرر

#قصةابن_الاجاويد

بقلمي: ZahraaAlk2
______________________

نزلت دموعي لا اراديا خوفا من الي راح اسمعه بعدين منوو شبيها عمتي ،

ضحك متشفي عافني وطلع للصاله ركضت وراه شبيها عمتي ، مينا وراي ترجف لزمتني شنو شكال شكال سمعتي موو ..

امي اجت هلى صوتنه شبيجن شكوو..

انداريت عليها نترت عمتي شبيها منو مات منو ؟؟

رفعت حواجبها ، يااا هذا جعفر مايضم سالفه ..

عطت ابجي ياسالفه عمتي شبيها ، عمتي قبل فتره مابيها شي شجاها ليش كطعت عنه احجي ..

ياا ولج لاتعيطين احترمي مابيها شي بس رضا مات شسويله الرجال مريض ..

لا عمتي بيها شي كولي والله احلفي بداعت بابا عليج العباس احجي ..

وعلي مابيها شي شجاج رضا مات وخلص صار شهر تقريبا ..

مينا كعدت بالارض مهبوطه ترجف ، اني رغم ماكلبي شوي برد لان عمتي مابيها شي ، بس شبعت قهر على عمو رضا الله يرحمه ، عمتي شلون بيها هيه شصاير بيها تموت عليه هيه ..

ليش ماحجيتو ليش ماكلتو نروح لعمتي شلون هسه بحدها شنو وضعها همه حموينها يكرهوها مات رجلها واحنه مو وياها ولا اخذنه حتى من خاطرها شنو من كلب عدكم انتوو..

هيه هم العايزه اروح يم نسرين واضل يم عيالها فتره هذول الجحف شعلينه الله اخذ امانته وخلص ماكو احد احسن من احد...

وعمي شلون رضا اخته هيج يصير بيها ، ويعوفها لو انتو ثنينكم نفس طينه ، بلا كلب ولا ظمير خافو الله ، مره مكسوره ورجلها مات ، صفت لارجال ولا اخ اكفو على الاقل روحو جدام عيالها ارفعو من قيمتها ..

انجبي انجي عمج كال والله مالفي احد بعد لو مدري شيصير ادري كاعد على بنك هو لو ماوى ..

كلبي اجه يوكف من وراهم ، لزمت مينا من ايدها وكومتها ، راسي منسطر من هاذول البشر ، بلا غيره وبلا شرف ..

طول عمرها تركض النه ، وهاي اخر مره ركضت ويه امي لخاطر كرار بالاسابيع ، ماغزر باامي ولا كالت خطيه ، كلنه نعرف عمتي شكد تحب رجلها وتموت عليه ..

هسه تموت من قهرها عليه ، صعدنه لغرفتنه نبجي عليها ، ياريت عدنا من يودينها الها ، ونواسيها ونبجي وياها ، كلمن يبجي على اعزازنه نفرغ الي بكلبنه ..

لثاني يوم دموعنه مانشفت ، عمي التهه بااحمد ،

ضل مثل الجلب يتوسل بهذا وهذا حتى يساعد احمد ، بس وين احمد نقلو المركز صحي و حللو دمه ، اجه ينجلط عمي بذاك اليوم ، بس ضل يعيط ويصيح حتى مانام اليل ،

اشوفه يحوم بالطرمه مثل الخبل ، لو يلبس عمامته ويطلع يدور واسطات ، عفته بمصايبه وعساه بالزايد انشالله شلون نذل ذله بابنه ..