#أبن الاجاويد

🍻 البارت 55 🍻

 

                  بقلمي: zahraaAlk
              ____________________

وجها خرط من الخوف ومجلبه بيه ،

جريتها خليتها وراي ، دخل شهم والله ينافخ كوه يحجي جن راكض من باب الحوش لهنا ..

حجه تعااي جاي بنت نعاال ، ولج فاضحتني انتي ، ولج متكليلي انتي شنوو كلج بكد القندره تردين تنزلين راسي ..

خليت اديه كباله بداعت اهلك بهداي مو هيج خلي نفتهم شوو شنو القصه  ..

ولج انااا اناا تاليتها يدكون علي ، ويكلولي روح لم فضايح بتك ، ال صايره بوب المدارس انااا ولج تشمتين بيه العالم ..

هيه تبجي خايفه بابااا اسفه والله بابا ..

تعاااي جاي اكلج ، اباوع علي يتلفت ، لان يشوف واير كهربائي بصف التلفويون جره بيد وحده حيل ، ورفعه يضرب ..

صلخنه اني وياها بواحد خلانه نطافر ..

ذيج وكعت بالارض تصرخ واني نمت فوكاها كول الله ياارجال شجاك ..

جرني من فوكها جرر ونام عليهاا يضرب موتها ، نوب صعد عليها يريد يخنكها ، ضليت اعيط واصرخ بعيالي الحكوني يمعوددين شلال يبووو ماتت البنيه ..

رفل تصرخ نزلت تعيط على عمامها ..

جريت من فوكها ونطاني دفعه وكعني ليوره ..

دخل شلال وشهاب جرو جر من فوكهاا ..

اباوع عليها زركت وخشمها فلت دم ..

ضليت ادك على خدودي راحت البت ماات البنت عزاا العززاني ، شلتها اعيط ماعرف شسوي ..

يمه لاراا بعد كلبي كومي ياالله دخيلك ..

حاظنه راسها ابجي وادك على خدودي ، شلال ركض يجيب ماي يغسل الها وهيه دعت خركه بيدنا ماتتحرك ، شعلان مجتف شهم يكله ولك شكووو شبيك ..

ولك بنات نعال عفتجن اسبووع ولجن اسبووع تردن تلبسني العار ..

اندار عليه وهفني بضربه وكعني فوك لاراا ولج انتي وووين مو عايفج يمهن متكليلي من بنت تتمكيج وتطلع انتي وووين ..

اناا العالم ادزلي صور بنتي هي واكفه بنص شباب ..

احس وجهي اصفرر يامكياج يالله وعلي ماادري ممكيجه البت شجاك ..

ولج شفت بعيني صورها تجذبيني ..

اغسل الها وارد عليه بعلي ماشفتهاا و الله ..

شلال نتر بي ليش بنتك تنكدر ليش انته كادر عليهاا حتى تجي مينا تكدر تحجي وياها ...

بنتك عتوه لاترجع على بنت الناس مو زين حوتهم ولمتهن وين انته عنهن ، هو منو لحك يربيهن كلمن لاهي بروحه ، مالك حق تحاسب لا مرتك ولا بنتك وين تربيتك انته ..