#أبن الاجاويد

🦄البارت 21 🦄

#قصةابن_الاجاويد

بقلمي: ZahraaAlk2

فِيْ زاويَہ صَغيرة ، بينّ الرَغبہ وعدَم الاهتِمام انشأتُ لنفسيّ حَياة لا بأسَ بهّا

من شفته حمه سجين كاظم من يمي ساحت روحي ، عطت يما وينج ، ضليت اصرخ باسم امي وعمتي ..

لازمني حيل ، كله جويها عمي جويها ، هاي عرمه من زمان اكلك ماتصدك دشوف شلون طلع حسها بشارع فرجت عالم علينه ..

رجعت ليوره اريد انهزم ، كاظم لزمني جتفني ادفر بي مايوخر ، سحلني سحل للمطبخ ، عمي يكله جيبها ليجاي جيبها ..

اذا ماكطعت السانج وخرستج دشوف بيمن تعيطين وطلعين صوتج ..

لزمني كاظم اله حيل واني ادفر واعيط ، عمي جاب سجين اباوع عليها جمره حمره تخوف ..

عطت بحيو ولك حيوو وينك ،  باامي وبعمتي اريد واحد ينجدني ماكوو ..

تالي  ايست منهم ايست يجي وتحد يخلصني  ، ضليت اتوسل بي مافك حلكي والله مااحجي ..

وداعت بابا عيوني عمو عوفني ، توبه عمو ماسويها والله توبه ..

الله يخليك عمو ...

زحفت ليوره كوه ابجي الله يخليك عمو لاا ، تقرب عليه حيل وسجين بيده لزم راسي بيده،  اجه يخليها على حلكي دفرت كاظم وخليت ايدي على وجها احمي .. اجت السجين عليها كبل بس اسمع الوشه حرك مال جلد ..

صرخت صرخه طلعت من كلبي ، والله احس حتى الاحبال صوتيه تكطعت ، يااااللله ، وخرها اشوف جلد انوخذ وياها الله يشهد ، ماعت روحي ، شلون عبالك ايدي كلها راحت وحتركت ..

دخلت عمتي بطرك دشداشه ادك على راسها ، شسويت الها يالظالم الله ياخذك كون ، نامت على ايد كاظم وعضته حيل ..

وام احمد تكامشت ويه عمي تدفع بي  ..

عمتي شالت السراحيه بالسنك وهفت كاظم على وجهه ، جراني من جوه اديهم وشالتني عمي مجلب بيه مايرضه ينطيني الها وبيد الثانيه سجين  ..

اني ساحت روحي من الالم اريد احجي احس روحي راحت بيدهم ، عمتي تجر بيه وتدفع بيهم وهمه مجلبين بيه ...

بعدها وكعت على وجهي مادري ، بس احس بيهم يجرجرون بيه ، وصراخ عمتي وامي يمي ،

صحيت على عمتي ترش على وجهي ماي ومينا فوك راسي تبجي ، مينا حجت كعدت عمه كعدت ..

ام احمد كالت اخذنها للمضمد ديشوف ايدها ، الله لايوفقه شايل الحم الحي كله لحكن عليها لا يتجرثم ..

عمتي لبست العبا وتحجي وتغلط دمعتها بطرف عينها محتركه حرك عليه ،  شالني شيل طلعني من بيت ام احمد ..

عذراء خلت عبا على راسي ، جان يوسف رجل مينا واكف بره بصف سياره ساعدهن وخلوني بالسياره ودوني للمضمد ..