#أبن الاجاويد

🐣البارت 23🐣

#قصةابن_الاجاويد

بقلمي: ZahraaAlk2

امشي واحسب جني ماشيه بممرات الضياع ، والله جنها هاي نهايتي الضياع ، وكسرتي وضياعي يصير على ايد ضباط هذا البلد ، مو يكول حاميها حراميهاا ..

الجو بارد والممراات المتفرعه ، والمتاشبه مثل المتاهه دوختني ، الشرطي يجر بيدي حيل ويدفع بيه كل شوي ، جنه متعود على هاي سالفه جر الناس ونتر بيهم وزرع الخوف بداخلهم ، غمضت عيوني بتعب شراح يصير بيه ، ؟!

احاول احفظ المكاني الي دخلت منه بس ماكدرت ، كل الحياطين الوانها رصاصيه ، وكلشي مثل بعضه حتى مصابيح الصفر الي يلمضن كل شوي والوان ابواب القسم السوده ،

وكفنه بقطاع مكتوب عليه لافته قسم التحقيقات ، رجف كلبي واني اسمع اصوات الابواب ، تنفتح وتنسد اصوات عاليه ،

القفل وجر السلاسل ، واصوات مخيفه اغلبها رجاليه ، وكفني الشرطي ، بصفه كبال الباب مباشرتاً بدون مندخل التفت عليه ، ونتر :- لاونفس لحد مايجي سيد الملازم ..

ماحجيت بس الرجفه ماتركتني ، احس عضامي صكن عليه ، شنو مصيري ، هم احد من اهلي راح يجي يدور عليه ، لو يلزملي محامي لو كلها تتبره مني ، تذكرت اختي مينا شلون بيها هيه هم ،

هيه من هاي وهاي ممدبره نفسها ، شلون راح تعيش وتصمد بحدها وياها جاهل صفت لابيت ولا رجال ولا شغل ،

دنجت راسي بيمن حايره حيري بروحج انتي بالاول ، شوفي نهايتج وين راح تصير وعلى ايد.منو فكري بنفسج ، دموعي تجمعن بعيوني من الوحده والخوف ،

انتظرت وانتظرت وتفكير طااال وجنهم يتعمدون يطولون وكفتي بره ، حتى انصلب زين واكل بروحي ،

انفتح الباب فجاه بوجهي ، طلع شخص الي جابني لهنا ، الشرطي ضرب اله تحيه ،

فات من يمي مبتسم باوعلي من فوك ليجوه ومشه وكل شوي يندار عليه مبتسم بمكر ، باوعتله بريبه خوفني حيل نظرته مطمن ابد ..

درت نظري للغرفه ، بقه واحد كاعد وره ميز من شافني ابتسم ، اشر تعال ادخل ..

جرني الشرطي ودخلني ليجوه دك اله تحيه ، كله سيدي جبناها نفس ماامرت ..

باوعلي من فوك ليجوه ، حك لحيته وضحك ..

- هاي شغلها مو يمي ، وديها لغرفه تحقيق ، لهيب موصي عليها خصيصا مانريد نتلف بضاعته من اولها ..

نفس ماتامر سيدي .. دك تحيه

وجرني وراه حيل ، التفتت على الضابط وعلى مكتب مكتوب الملازم( شهم صدام ) الاسم مو غريب ابد ومار عليه قبل بس ماذكره ..

عتني حيل ونتر بيه امشي بنت نعال شنو اتوسل بيج ، مشيت بتعب وبخوف ، فتح باب ودفعني حيل ليجوه ..