#أبن الاجاويد

💣البارت 10💣

موحبااا
شلونكم حبايب
لا تنسون بنهايه كل بارت تصوتون وانطوني رأيكم ب القصه هم ماشي 😘😘

#قصةابن_الاجاويد
بقلمي: ZahraaAlk2
_____________________

تقربت اشوف زين اي والله هاي مينا صحت ميناا ولج مينا افتحي الباب ، تخبلت من لمحت احمد تقدم عليها جرها من ايدها تقرب عليها ، هيه سوده عليه تدفع بي وتجر بيدها تبجي خايفه ، رجيت الباب حيل اريد افتحها ماكو ،

عطت ولج اضربي اضربي و تعاي فكي الباب ، من الخوف ضليت مثل الخبله ادك بالباب حيل ، اريده يفتح باب الي ماكو ، رفع راسه عليه شافني ادك بالباب واعيط ماهتم رد التفت عليها ..

جرها وراه وهيه تضرب بي وتعت بنفسها ، شافتني ضلت تصرخ ، ودفع بي تريد تجي عليه ، وهو يرجع يجرها عليه ، دنجت على الارض اريد طابوكه شي داكسر الجامه وافتح سركي ..

مالكيت غير شحاطه طركه مالتها يابسه ، ضليت اركع بالجام مرتين وثلاثه لحد مانكسرت الجامه ..

مديت ايده ، شاطت روحي من انكصيت بالجامه بس من حلات روحي بس اريد افتح الباب ، شفت ايه طلعت ، من الغرفه تستند على الحايط ، اسمعه تكله جاي اتسوي شنو فرقك عن ابوياا خافو الله ،

ماتكدر تعوف حايط لاتوكع ، مينا تبجي وتدفع بي هو يرد على ايه مالج لازم حيري بروحج وانجبي ، بين مالتهه يتعارك ويه اخته ، مينا نطته بدفعه وطلعت تركض عليه ..

فتحت السركي، ودفعت الباب ، مينا اجت تركض عليه بعدها ماواصله ليمي جرها من شعرها رجعها ليوره عليه ..

ركضت عليه اضرب بي بالشحاطه على راسه وجسمه هو يدفر بيه ، ومينا تدفع بي تريد تخلص نفسها منه ، رغم الدفرات الي اكلتها بس ماهديته والله ، لزمت بالشحاطه كطعتها عليه ، وين اليوجع ..

صراخنا طلع وصواتنه ترست البيت اني اعيط من الدفرات الي ضربني بيها ، ومينا تصرخ من الخوف وذيج ايه ادك وتلطم ..

ياعار ياسرسري ابن الكلب تتحرش بااختي والله اليوم الا اموتك ..

مينا تبجي وتكرر بكلامها تحرش بيه ، تحرش بيه مثل ابو ، والله كلكم نكسين كلكم الله لايوفقكم ..

عضيته من ايده ، عاط هو ودفعني ويله هد مينا ، بالشحاطه جبته بضربه على حلكه ، نوب هو ضربته هيج لو تخبل .. . دخل حيو على صوتنه .

شكو شبيكم يمعودين لاهيج شجاكم ..

لزمني نوب النذل من شعري سحلني سحل ، لزمته مينا وايه يردون يفكونه مني ماكو ..

بت الكلب والله الا اكتلج خلاص انا تمدين ايدج عليه لج كح** ..

عطت من الالم ، اشرف منك ومن ابوك ياعار ياسرسري ، يابو عين نكيه.. نوب فتحن زيجي ،،، وصحت .. يبوو ياعالم ياناس الحكولنه ..