#أبن الاجاويد

🕸️ البارت37 🕸️

         بقلمي: ZahraaAlk2
     ــــــــــــــــــــــــــــــــــــــــــــــــ

عافني ومشه ، اني واكفه اباوع عليهم كل شوي يندار عليه ، لحد ماوصل لبابهم عفتهم ودخلت لبيتنه ،

ثاني يوم رحت للشغل تعذرت من شلال بس هو خطيه قدر الظروف وماحجه ..

والظهر مريت لرفل جبتها وياي للبيت وكتلها ، مره ثانيه هيج وكت تعاي بعد مااجي اخذج اني ،

سالت ببيتها ليش ماتجين وليش دزين على بت ، تحججت بغياب عمتي وبامان هم ..

اسمعها ضلت دردم هيه وبنتها أمال بس غلست .. بس جناينهم كيفن كالن لو تخليها لليل يمكم هم عادي ..

اخذتها ومشيت هيه درب كله تسولف بابا كال مااجي للابد وكوليلها لست مينو خلي ترجع تجي لبيتنه ماضوجها   .

ابوج مو التحق ..

اي ..

بعد شكوو خلصنه منه ومن مشاكله  ..

هو كال بعد مااجي ..

لا كال شهر ويرجع ..

سكتت ضلت يمنها للمغرب ووديتها لبيتها ام لهيب ورجعت لبيتنه ، ضلت على هالحاله قبل لا ارجع من شغلي الكاها كبالي جايه ، واديها مترسه علاليك حلويات والعاب عبالك جايه المنتزه ..

بس هي حيل تعلقت بامان تحسه لعبه مالتها خالته بحظنها وتحش بي اكل ..

خلصت لتين امتحانات الحمدلله وراها بفتره طلعت نتائج متأهله الحمدلله ، هم مارتاحت كبل بلشت تقره لان الوزاري بعد اربعه اشهر مو اكثر ..

عمتي ماترد دائما ملتهيه بكرار وجاي دور عليه ، لحد ماخابرت كالت تواصلت ويه امج ودلتني مكانه وراح اروحله باجر ..

سالتها امي شلونها ..

جرت نفس شلونها عايشه بالخير يم اهلها بفلوسكم قابل هي بحالكم ..

فلوس كرار هاي ..

لا تتاملين بيها هاي مثل طينه جعفر ..

سكتت مقهوره ، حجيت كرار اذا طلعت بيش يعيش شلون يبدي حياته ،

يعيش يمنه يمه قابل وين يروح ، بالكت من تفرج عليه يراجع براتب ابوج وينطو تعويض ..

شوكت تردين ..

بس اشوف كرار واطمن عليه اجيب ايه واجي ..

ليش تجيبها ..

قابل اعوف بت اخوي يم الغرب يمه ، هم بت هلي ينخاف عليها ..

خاف وراها مشاكل ..

اجيبها واجي وجعفر بعد مايندل النه درب ..

ارجعي عمه طولتي هواي واشتاقينالج ..

راجعه يمه راجعه ،

وصلي سلامنه لكرار ..