#أبن الاجاويد

🌻البارت 51 🌻

             بقلمي: zahraaAlk
         ___________________

طلعت من الحمام خايفه ، نوب الالم ديزيد عندي ، مشيت رديت للغرفه تمددت انام ،

غفيت بمكاني مو دريانه بنفسي  ، اليل كله مانايمه من الالم بين واعيه وبين غفيانه ...

يمه ..

شبيج ..

طيف امي مر ، كاعده على صفحه تبجي وجسمها هزيل حيل ، تقربت منها يمه ياهو وياج ليش تبجين ..

ماسامحتوني موو مابريتوني الذمه ، جاي اتعذب اني لتين هواي ..

شيوجعك ، كولي دساعدج ..

مشيت عليها اريد احظنها ، حجت المرض يمه المرض اكلني من الداخل ماجاي اموت ، اريد ارتاح ..

لاتكولين هيج انشالله طيبين ..

حتى لو طبت من المرض ماراح اطيب من لعنتكم وحوبتكم ..

بجيت مسامحتج اني يمه مبريه الذمه ..

تقربت منها دفعتني لاتتقربين يمه وخري مني ، ترى يلوحج الموت ...

شبيج ..

كولي لاخوانج يسامحوني مينا وكرار اني احبكم ..

تقربت اكثر احظنها ، حظنتها اطمنها ، راح اطيبين مابيج شي ، عاطت وخري ، وخرت منها خايفه ، اديها كلها دم ، حجت مو كتلج وخري ..

شفتي شصار شفتي  .

شنو ، دنجت على بطني كلها دم ، دم نزل وصل لرجليه ..

فزيت بال١٠  الصبح كوه اتنفس ، لزمت وجهي كله دموع ، كعدت على حيلي اتلفت بالغرفه ، ماكوو ..

رجعت مددت استغفر ربي ، حلم هذاا كاابوس ، لزمت بطني ،  ضليت خانسه بالغرفه وماطلعت  ، اسمع صوت عمتي تحجي مدري تخابر ، بس ماطلعت ..

تالي هيه دخلت تتفكدني ، من شافتني ومددت ومفتحه عيوني  ، حجت ياا شبيج يمه ..

دمعت عيوني ساكته ..

شجاج يكلبي شيوجعج عليش نايمه بالفراش لحد هسه ..

بطني توجعني ..

شماكله بليل ومتوجعه ..

كلشي مماكله ..

شفتي نايمه بلا عشه ، شلون متتاذين ..

عمه نزل عليه دم خاف دوره ..

يا دميش هذا ، شكد صار من راحت عليج ..

هو هذا وكتها يمكن هيه بس داتكطع موتتني بطني ..

حجت يااا هاي المره من تتزوج جسمها يتغير يمه .. داكوم اسويلج لكمه ، واشربي مسكن ديهود الوجع ..

عافتني ومشت ، ربع ساعه ودخلت هيه وصينيه الريوك والادويه ، خلتهم كبالي كالت يله يمه سمي بسم الله ..