#أبن الاجاويد

🌙البارت 36 🌙

هلاو حبايب اسفه لان البارتات السابقه قصيره بس الجايات اطول. وهذا البارت طويل 💝🥀

بقلمي: ZahraaAlk2
ــــــــــــــــــــــــــــــــــــ

واكفه وخاله ايدي على كلبي ، منظر دم الي بالارض يخوف لو ملابسها الي صايره عباره عن لون احمر ..

خوف لهيب وارتباكه عليها كلها اجت كبالي ، انداريت على امان الي نط من الخوف ومينا ، شايله تسكت بي وخايفه ، نزلت دموعي ،

يمكن محد يصدك ، بس والله كرهت نفسي حيل ، عيوني تفتر خفت لاتموت واضل طوول عمري عايشه بتانيب ظمير ..

مينا اخذت امان عافتنه ومشت للحديقه شايلته ،تسكت بي هو يصرخ ، ابو لارا خال اديه على راسه وكاعد على الكرسي صافن ، تالي كام لحيله ومشه عافنه ..

فاطمه جابت سطل ماي تغسل بالارض ، شلهت ايدي وكعدت اساعدها .. ام لهيب تبجي وعمتي تواسي بيها تالي جرتها ودخلتها لبيتهم ..

دنجت امسح وياها ، كوه طلع مني السؤال ، شبيها شصار وياها ..

من صياح عيوني والعصبيه ، لحد ماراح الجنين يله ارتاحت ، تصم بشسماتها وتصيح ، وكفت البيت على تك رجل ، شلون لهيب تاخر بره وماكابلها وكعد هو كوم واضربها شلون صاحت بوجها وهيه وكعت بالارض تنزف وساح دمها ..

معقوله طرحت ..

ووكفت عن مسح رفعت راسها تحجي ، شوف هاي ، خيه هو مجلب بتفله ، رحمها مايشيل طفل ، كلنه نعرف ماراح تحبل ، ولا راح يصير ، بس هيه معنده ادعي لربج ماتروح بيها وتموت ، حذروها ماتزرع لا يصير نزف عدها وتخسر رحمها ، بس عاندت ..

بيش طالبته خطيه اسم الله ..

احد جابرها لو ضاربها على ايدها كلنه كنالها والله وخفنه عليها لا تحبلين انتظري شوي خلي رحمج يلم من اخر طرحه الج بس ماسمعت ،

كملنه غسل الطرمه ودخلت للبيت هم اكو دم دخيلك ربي ، شهل منظر ذابه دمها كله شضال بيها لعد ..

مسحت الدرج وصعدت للغرفه الفوك مالتهم ، فاطمه وراي تنشف بالوصله بالبيت ، فكيت شباك غرفتهم اهوي ، شفت مينا بالحديقه وره و ابو رفل واكف كبالها ،

انداريت على فاطمه من حجت فدوه امسحيها لو اسوي عليج زحمه بين مااجيب العملاق من جوه ..

هزيت راسي ، اباوع سيت نوم مالتها على كرسي مشمور ، والتراك مال لهيب مرتب ومحظر على فراش ماملبوس جنه محظرته اله ..

تمشيت تلمسته ، غرفتهم حيل فخمه وحلوه ، بس الكنتور بحده ماخذ ضلع ابو الست مترات ، من هذا الخشب جاوي تصميم مصري فخم ..

تمشيت لميز المرايه لمحت سبحته ، شايفتها قبل كم يوم بيده ، ايدي راحت على جرارات ميز ، فتحت اول وحده الجببره ، متروس ساعات و سبح ، كل سبحه لون ولمعه ، اكو كم محبس صح مو هواي بس مميزات ، اكو سبحه على ميز مشموره ، سديت جرار ، شلت السبحه رفعتها لخشمي اشمها ،