#أبن الاجاويد

🌸البارت12🌸

مساء الخيررر

#قصةابن_الاجاويد

بقلمي: ZahraaAlk2
______________________
⚘⚘⚘⚘

التفتت على احمد بسرعه روح الحكها ، ضل يتافف وامه تكله امشي يمه هسه اكيد راحت للامام يادوب تلحكها عيب منها طلعت زعلانه من ابوك ..

ابوي طاردها اني شكوو ..

صير احسن من ابوك وليدي انته يله فدوه لعينك ، الحكها بساع قبل لاا تيهه هساع تلكاها بالدرب بعدها ماراكبه سياره ..

لبس شحاطته وهو يدردم باوع عليه عود تعززي عليه بليل وضلي ابجي شوفي شسوي ، ..

عافنه وطلع بسرعه ، وره نص ساعه رجع وهيه وياه ، دخل الولد ابن حماها للاستقبال وعمتي دخلت يمنه بوستها وعاتبتها عليش تزعل وهيه تعرف عمي واخلاقه ..

كالت البيت الي مايرحبون بيه اهله ماريده لو مو بيت اخوي ، بيت انطردت منه لويش ابقه بي ، على الاقل بيت سيدي ومولاي مايردني ولا يطرد زاير اله ..

ضلينه ليل كله نحجي ونسولف عمتي ام احمد حجتلها على سيد ابو سلام وشلون ضايج من عمي ومن سوالفه ..

كالتها عمتي يروحله فدوه هو جعفر مو واخوي بس الحق ينكال شجابه لسيد ابو سلام ذاك عده بخت يفطر الصخر ،

مفشلنه اخوج خيه بين ناس ، لو ما شلنه هنا صار سنه ونص ، جان ناس تثرد بدمنه هسه ، ذيج المنطقه ناس همه طردونه من عمايله ،

يلفي شكو مره عوجه لو راعيه سحوره ، لو مطلكه وتريد تهجم بيت طليقها ، بحجه رقيه شرعيه ..

لحد ماوحده منهن حجت وفضحته ، وكالت يتحرش بينه ويطلب شغلات استغفرالله ..

كملت كلامها تحجيلها على بناتها ايه وغفران ، شلون بهذلهن وزوجهن وهنه جهال ، ايه سبحان الله ، الله مانطاها خلفه بعد ، من كثر الاسقاطات الي سواهن الها رجلها من الضرب ،

وغفران لا كوه عتوه وتتعارك كدرت وسكنت عد الثاني .. متتجي ولاتلفي ماتريد تشوف وجهه ابوها ..

بس عذراء لا كل مايريد يزوجها تهدده تحرك روحها ، وثلاث مرات تنخطب وتطلع تهجج بالخطابه ، بس ابوها من يسمع مايحجي ، عبن عده هاي اخر عنكود ومتعلق بيها وعايفها ..

عمتي صافنه عليها وعلى كلامها ، اندارت عليه تسال بعيونها شجره عليجن انتن ، شحال انتن سكنتن بيت واحد وياه ، بناته لحمه ودمه هيج سوه بيهن ، كيف مانتن بنات اخو الي طول عمره هو وياه على كطع ..

عيوني غرغرت بدمعها ، صاح احمد ميناا ، انداريت عليه واعرف شيريد ، بلعت ريك ، هز براسه كومي يله ، غلست شويه ..

بعدين حجه وراي شغل كومي عااد ، حجت عمتي كومي يمه شوفي رجلج يريد نام روحي افرشيله .

عمتي هزت راسها تصبحين على خير .. عفتهن يسولفن وكمت هو صعد كبلي بسرعه ، شفت خيال بصف باب صاله ،