Fermin Series #3: Playing Hearts (COMPLETE)

Chapter 26

"It's here! It's here, Mins! Omg!"

"Teka nga, teka! Kaloka ka ang ingay mo Rose!"

Agad kong siniko si Rose dahil sobrang ingay niya at hindi siya mapakali sa upuan niya. Nasa sala kami ngayon dito sa bahay at tumatambay itong sina Rose at Vera. Hinihintay kasi namin iyong resulta ng entrance at ngayon daw lalabas. Shocks.

Kitang-kita ko iyong panginginig ng mga kamay ko habang nakahawak sa cell phone at nagso-scroll. Shet, shet! Hindi na mapakali ang mga kamay ko habang naghihintay mag-load iyong platform. Kakaloka! Umusog ako malapit sa may armrest ng couch. Kagat-kagat ko ang aking labi habang nakatitig sa phone ko. Shems.

Fermin. Fermin. Letter F.

Huminto ako roon at kulang na lang ay hindi na ako mag-scroll.

Fermin, Lamina Armine.

"Shet! Oh my gosh!" impit na sigaw ko at napatalon pa sa sobrang saya.

"Omg! You got in?! Kami rin?!"

Sunod-sunod na tumango lang ako bago kami parang tanga na nagtalunan nang nagtalunan. Shemay! We're in! We're fucking in!

"Ahhh! Med students na tayo mga te!" sigaw ko ulit at saka kami nagtatalon-talon.

Gulat na gulat pa nga ang mga kasambahay namin. Pati sina Mama at Papa nga na kararating lang ay gulat na gulat din nang madatnan kaming nagtatalunan sa sala. Hindi matanggal ang ngisi ko nang sinabi kina Mama iyong result. Shet! Medical student na ako! I'm in freaking hell!

Di ba ang weird na sumasaya akong nasa impyerno? Lol. Basta! Ilang years na lang, hello freaking MD!

"Congrats, Ate Mins!"

"Congrats, sis!"

"Senkyu, sisters!" nakangising sabi ko sa kanila tsaka kinuha ang phone ko. Hinanap ko ang convo namin ni Rerra.

To: Rerra L.
I passed! Shet med student na ako!

Nakagat ko ang labi. Ngumuso ako habang hinihintay siyang mag-reply. Tagal naman. May trabaho siguro. I was about to exit it when he finally replied.

From: Rerra L.
Told you! Congrats, Mins. I'll be there later.

To: Rerra L.
Okay!

I turned off my phone and placed it in my pocket. Bumalik na rin ako kina Vera.

"Libre naman diyan, Ate Mins!" Dinig ko pang sabi ni Merian. Umirap ako.

"Che! Pero dahil happy ako, go! Order kayo ng kahit anong gusto niyo!" sabi ko. Naghiyawan ang mga loko at kung ano-anong pinag-oorder. Hinayaan ko na lang. Ngayon lang iyan kaya dapat sagarin na nila.

Dahil sobrang saya ng lola niyo ay nilibre ko nga silang lahat. May pa cake pa si Mother at Father. Naks, supportive! Doon na rin nag-dinner iyong dalawang bruha kong kaibigan. Nag-usap na kami ni Papa tungkol sa paglipat ko at next week na ako maglilipat ng bahay! Shet! Excited na ako!

Bandang alas nuebe na yata umuwi sina Vera at Rose. Pagkatalikod naman nila ay saka nag-text si Rerra. Pumuslit lang muna ako sa family room. Nandoon kasi ang buong family ay nagmo-movie marathon. Sa garden ako tumambay.

Prenteng umupo ako sa upuan doon at saka kinuha ang phone ko.

From: Rerra L.
I heard. Congrats!

To: Rerra L.
Senkyuu!
Busy much?

From: Rerra L.
Hahahah not really.
Let's meet?

Ngumuso ako at tiningnan ang paligid.