I Love My Crazy Husband 🐰🐯//𝕋𝕂 [COMPLETED ✔✔]

36

ජන්කුක් කාමරෙන් එලියට ගියාට පස්සේ ටිකක් වෙලා කම්මුලත් අල්ලන් හිටිය ටේහයුන්ග් ඔලුවත් දෙපැත්තට ගසලා පියවි සිහියට ආවා.

"අනිත් කම්මුලට දුන්නේ නෑනේ "

ටේහයුන්ග් එයාගේ අනිත් කම්මුලත් අතගගා හිනා වෙලා කියලා ෆෝන් එක ගත්තේ එයාගේ පුද්ගලික උපදේශක වුණු යුන්ගිට කතා කරන්න. දහසැරයක් විතර උත්සහ කලාට පස්සේ යන්තන් යුන්ගි කෝල් එක ආන්සර් කළා.

"ඒ සැරේ මොකද "

කෝල් එක ආන්සර් කරපු ගමන් ටේට අහන්න ලැබුනේ යුන්ගිගේ කන්කෙඳිරිය.

"ආයෙමත් ලොකු කරදරයක් හයුන්ග් "

"ඇයි ජන්කුක් උඹවත් හලලා තනියම පැරිස් යන්නම් කිව්වද"

"නෑ එයා ජිමින් එක්ක යන්නම් කිව්වා"

ටේහයුන්ග් ඒක කිව්වේ නිකන් අඬන්න ඔන්න මෙන්න ඉන්න පුංචි ලමෙක් වගේ.

"ඉතින් මරුනේ "

"මරු කොහෙද හයුන්ග්,ජිමින්ව එක්කන් ගිහින් මන් මොනවා කරන්නද"

ටේගේ ප්‍රශ්නේ යුන්ගිට කිව්වට යුන්ගිටනම් මේ ප්‍රශ්න වලට දෙන්න උත්තර තිබුනේ නෑ,ඒ වෙනුවට යුන්ගි ෆෝන් එක කනේ තියාගෙනම ටේට හිනාවෙනවා.

ඒත් දැන් ටේ කේන්තියෙන් පුපුරනගමන් ඉන්නවා ඇති කියලා මතක්වුණු යුන්ගි හිනාවෙන එක නවත්තලා ආයෙමත් ටේ එක්ක කතා කරන්න පටන්ගත්තා.

"අපි ජන්කුක්ට ඇත්තම කියමු, යන්නේ honeymoon කියලා "

ඒ දුන්නු උත්තරේට ටේහයුන්ග්ට යුන්ගිව කන්න කේන්තියි.

"බොහොම ස්තූතියි හයුන්ග්,ඔයා කියනකන් තමයි මම හිටියේ"

ටේ යුන්ගිට නෝක්කාඩුවට උත්තර දෙද්දී යුන්ගි පොඩ්ඩක් උගුර පාදලා කතා කරන්න ගත්තා.

"හරි හරි කේන්ති ගන්න දෙයක් නෑ. දැන් ජිමින් කැමතිද යන්න."

"මොකද නැත්තේ දැනටම දෙන්නම ඉන්නේ පැරිස් ගිහින් වගේ තමයි. ඔයා ජිමින්ව කොහෙහරි එක්කන් යනවනම් මට‍ මගේ පාඩුවේ මගේ බබා එක්ක ඉන්න තිබ්බනේ "

"ජිමින් මට කැමැත්තක් නෑනේ වැඩිය "

යුන්ගි ටිකක් හඬ බාල කරලා කිව්වේ දුකෙන් වගේ.