I Love My Crazy Husband 🐰🐯//𝕋𝕂 [COMPLETED ✔✔]

38

"ආයිෂ් කිම් ටේහයුන්ග් "

Steering wheel එකට අතින් පාරක් ගහපු ටේහයුන්ග් තමන් කිව්ව දේ ගැන පසුතැවෙමින්ම කාර් එකත් පාර්ක් කරලා එයාලගේ හොටෙල් රූම් එකට ගියා.

ටේ රූම් එකට ගියත් රූම් එකේ කවුරුත් පේන්න හිටියේ නෑ.

"ජන්කුක්.... ඔයා කොහෙද "

ටේ ජන්කුක්ගේ නමින් කතා කලත් ජන්කුක්ගෙන් කිසිම ප්‍රතිචාරයක් ලැබුනේ නෑ. ඒ නිසා ටේහයුන්ග් වහලා තිබුණු බාත්රූම් එක ලඟට ගියෙ අනිවාර්යෙන් ජන්කුක් මෙතන ඇති කියලා හිතලා. ටේහයුන්ග් හිතුවා වගේම බාත්රූම් එක ලොක් කරලා තිබුනා. ඒකෙන් ටේහයුන්ග් දැනගත්තා ජන්කුක් ඉන්නේ බාත්රූම් එකේ කියලා.

"ජන්කුක් ඔයා ඇතුලේ ඉන්නවා නේද... හොඳ ළමයා වගේ එලියට එන්න "

ටේහයුන්ග් ජිවිතේ පලවෙනි වතාවට තමයි මේ වගේ කෙනෙක්ට ආදරෙන් කතා කරන්නේ. ටේහයුන්ග් බාත්රූම් එකේ දොරළඟ ඉඳන් කිපසැරයකම ජන්කුක්ට කතා කලත් ජන්කුක්ගෙන් ටේට කිසිම උත්තරයක් හම්බවුනේ නෑ.

"ජන්කුක් මං ඇතුලට එනවා "

බලන් ඉන්න බැරිම තැන ටේ extra key එකකින් දොරත් ඇරගෙන බාත්රූම් එක ඇතුලට ගියා. ඒ යද්දිත් ජන්කුක් හිස්වුනු බාත්ටබ් එකේ ඇතුලේ ඉඳගෙන ටබ් එකේ අයිනකට ගුලිවෙලා අඬනවා.අඬල අඬලම ඇස් රතු වෙලා කම්මුල් දිගේ කඳුළු බින්දු බේරෙනවා.නහයත් උඩට අදින ගමන් පිටිඅල්ලෙන් කඳුළු පිහිදාන ගමන් තනියම මොනවද කියවනවා.ඊටපස්සේ ආයෙමත් ඉකි ගහ ගහ අඬනවා. ජන්කුක් මෙහෙම අඬනවා දැක්කම ටේට එයාගේ පපුව ඇතුලින් තදින් තෙරපෙනවා වගේ වේදනාවක්‌ දැනුනා.ජන්කුක්ගේ කඳුළු දකිද්දී ටේ තමන් කරපු මෝඩ වැඩේ ගැන දහස්වාරයක් පසුතැවුනා.

"ජන්කුක්..."

ටේගේ කටහඬ ඇහෙද්දී අඬමින් හිටිය ජන්කුක් ගැස්සිලා යනවා ටේ දැක්කා. බාත්රූම් එකේ දොරළඟ හිටගෙන ඉන්න ටේව දැක්කම ජන්කුක් තව හයියෙන් අඬන්න ගත්තා.

"ෂ්ෂ්ෂ් කෝ මේ බලන්න අඬන්න එපා "

ජන්කුක් ළඟට ගිහින් දණගහගත්ත ටේ ජන්කුක්ගේ කඳුළු වලින්ම පෙඟුනු මූණ අත් අතරට අරන් කියද්දී ජන්කුක් කඳුළු පිරුණු ඇස් වලින් ටේ දිහා බලලා ඉකි ගහන්න ගත්තා.